Mateo 27:30 - Emberá Chamí

³⁰ Maabae ichimaa id̶ubachid̶au maud̶e bakuru ichi juad̶e b̶uu juakaa adaud̶aped̶a boromaa ubachid̶au.

Mateo 27:30 Mawu Ofanana

Mateo 26:67

Maabae chi nureeba Jesús kĩedarrmaa id̶usid̶au maud̶e drʉsid̶au. Waabenarãba ichi sĩsid̶au.

Marcos 10:34

Maarãba mʉ atua jarad̶aped̶a, mʉʉmaa id̶ud̶aped̶a, soaba ped̶aped̶a bead̶ai. Maamina ewari õbead̶e mʉ chokae jiradui.

Marcos 14:65

Chi nureeba Jesusmaa id̶usid̶au maabae dau bʉrad̶aped̶a drʉsid̶au. Maka duanuud̶e jarasid̶au: —¡Biawãra bichi Dachi Akõre Warrbʉrã, jarase kaiba bichi sĩsii! Maud̶e Dachi Akõre de nubadaurãba bid̶a ichi sĩbachid̶au.

Marcos 15:19

Boromaa bakuruba ubachid̶au. Id̶ubachid̶au maud̶e ichi kĩraare õdarrd̶e kopaneebachid̶au ichimaa biꞌia berreaduu kĩra.