35 Maabae Jesusba ẽbẽrarã jeed̶a akʉ duaneed̶ai jarasii.
Maud̶e Jesusba id̶ikuasii: —¿Machiba sãabe pan uru panuma? Ãchiba panausid̶au: —Uru panuu 7 maud̶e b̶eda cheke ãreawãe uru panuu.
Mau maad̶akare mau 7 pan maud̶e chi b̶eda ichi juad̶e adauped̶a Dachi Akõremaa ichíturu kid̶ibai asii. Makaped̶a chi b̶eda maud̶e pan b̶ʉakuaped̶a ichi baara nibabadaurãmaa deasii dead̶akad̶amera. Maabae dead̶akasid̶au.
Aria sirua id̶aa b̶uasii. Maud̶eeba Jesusba jarasii: —Jomaurãmaa jarásturu siruad̶e akʉ paneed̶amera. Ara makʉd̶e jeed̶a akʉ duaneesid̶au. Maarã 5.000 mukĩrarã panuka duanasii.
