Mateo 15:3 - Emberá Chamí

³ Maud̶e Jesusba panausii: —Machia bid̶a ¿sakãe Dachi Akõreba waubi b̶uu bed̶ea ida b̶ubadama ara machiba waubadau aude wau kʉ̃ria panuud̶eeba?

Mateo 15:3 Mawu Ofanana

Mateo 15:2

—Bichi baara nibabadaurã jua jeraad̶awẽa kobadau. ¿Sakãe dachi nabẽraed̶ebenarãba jaradeaped̶aad̶a ida b̶u panuma?

Mateo 15:4

Ichiba naka jarasii: “Bichi akõre maud̶e bichi nawe wapeadee b̶uase”. Nau sid̶a jarasii: “Barikiuba ichi akõre maebʉrã ichi nawe kachirua jaraaruubʉrã, mau biui b̶uu”.

Marcos 7:13

Maka machi nabẽraed̶ebenarãba jaradeabachid̶au kĩra wau panuud̶eeba Dachi Akõre bed̶ea ida b̶ubadau. Machiba mau kĩra ne ãrea waubadau.

Colosenses 2:23

Biawãra mau kʉ̃risia kuitaa kĩra b̶uu. Ãchiba jarabadau ara dachi du ab̶a ne waubadaud̶eeba Dachi Akõre kaad̶e poyaa biꞌia wãd̶ai, waabenarã audeara kaebeu nibad̶ai panuu maud̶e ãrea biꞌiwãe panad̶ai panuu, ara dachi du ab̶a puꞌuaduud̶eeba. Maamina joma mauba dachi kakuaba kachirua wau kʉ̃ria b̶uu maka waubikau.

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.