Mateo 13:46 - Emberá Chamí

⁴⁶ Maka b̶uud̶e ab̶a chi nejarr ãrea id̶ibadau unusii. Ara makʉd̶e ichiba uru b̶uu joma nedobʉiped̶a mau perla nedosii.

Mateo 13:46 Mawu Ofanana

Mateo 13:44

Bajãad̶e B̶uuba ichid̶irã ichi juad̶e ua b̶uu chi nejarra iorod̶e mera b̶ud̶a kĩra b̶uu. Mau chi nejarra ẽbẽraba unuped̶a chi b̶uad̶amaa mera b̶usii. Maabae kĩrajʉʉ wãped̶a joma ichiba uru b̶uu nedobʉiped̶a chi drua nedosii.

Mateo 13:45

»Mau awara Bajãad̶e B̶uuba ichid̶irã ichi juad̶e ua b̶uu nau kĩra b̶uu. Ẽbẽra chi ne nedobarii b̶uasii. Mau ẽbẽraba perla jʉrʉ b̶uabachii nedoyua.

Mateo 13:47

»Bajãad̶e B̶uuba ichid̶irã ichi juad̶e ua b̶uu ãtarraya kĩra b̶uu. Ãtarrayaba do b̶ataaduud̶e b̶eda barikia jidaubadau.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

Apocalipsis 18:12

Mau puurud̶e ne joma nedobʉibachid̶au: Nee, parata, mo dod̶aa mipitaa maud̶e perla chi nejarr ãrea id̶ibadau, lino maud̶e seda paru chi aude chi bia, paru pupuchia, paru purr, bakuru tuwaa b̶ee, ne elefante kid̶a waud̶a, ne bakuru chi nejarr ãrea id̶ibadau waud̶a, bronce waud̶a, ne jiorr waud̶a maud̶e ne mármol mokara waud̶a.

Apocalipsis 21:21

Mau puurud̶ebena 12 poraa perla chi nejarr ãrea id̶ibadauba waud̶a b̶uasii. Poraa ab̶aab̶aa perla ab̶aba waud̶a basii. O puuru ẽsa b̶uu nee waud̶áturu basii. Maamina biirio kĩra dod̶aa b̶uasii.