Mateo 13:18 - Emberá Chamí

¹⁸ »Kauwa ũrísturu, kãare jara b̶uu chi mʉʉba nebʉrʉd̶a chi netaa pobarii ʉ̃rʉbena.

Mateo 13:18 Mawu Ofanana

Mateo 13:36

Maabae Jesús ẽbẽrarã ome b̶uad̶a wãaruu aped̶a, deed̶aa wãsii. Ichi baara nibabadau need̶aped̶a id̶isid̶au: —Sirua kachirua uud̶a ʉ̃rʉbena daimaa kuitaa jarase.

Marcos 4:10

Ẽbẽrarã wãsid̶aud̶e Jesús baara nibabadaurã 12 panuuba maud̶e waabenarã ichi jãkaa panuuba id̶isid̶au ichiba nebʉrʉd̶a jaradead̶a ʉ̃rʉbena.