Marcos 9:45 - Emberá Chamí

^45-46 Ara mau kĩra bichi jʉ̃rʉba bichimaa kachirua waubiiruubʉrã, mau b̶ʉatutase. Bibuara b̶uu Dachi Akõre ome ewaricha jʉ̃rʉswãe nii b̶uai, bichi jʉ̃rʉ omea inii tʉbʉchia aoko kub̶uu kiikaud̶e jiratai bad̶amaarã.

Marcos 9:45 Mawu Ofanana

Mateo 18:8

»Maud̶eeba bichi juaba maebʉrã bichi jʉ̃rʉba bichimaa kachirua waubiiruubʉrã, mau b̶ʉatutaped̶a jiratase. Bibuara b̶uu ewaricha Dachi Akõre ome b̶uai bichiba jua ab̶aburu maebʉrã jʉ̃rʉ ab̶aburu uru b̶uai, mau jua omea nii maud̶e jʉ̃rʉ omea nii tʉbʉ aoko kiikaud̶e jiratai bad̶amaarã.

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Marcos 9:43

Bichi juaba bichimaa kachirua waubiiruubʉrã, mau b̶ʉatutase. Bibuara b̶uu Dachi Akõre ome ewaricha juaswãe nii b̶uai, bichi jua omea inii tʉbʉchia aoko kub̶uu kiikaumaa wãi bad̶amaarã.