Marcos 9:41 - Emberá Chamí

⁴¹ Biawãra ara mʉʉba jaraaruu: machi mʉʉd̶ed̶eeba barikiuba machimaa bania dead̶akaaruubʉrã, Dachi Akõreba biawãra mau ẽbẽramaa ne bia deai.

Marcos 9:41 Mawu Ofanana

Mateo 10:42

Mʉʉba jaraaruu: ab̶auba mʉ baara nibabadaurã chi kaebeu b̶eerãmaa bania kũrasãa dearuubʉrã, Dachi Akõreba biawãra mau ẽbẽramaa ne bia deai».

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Marcos 4:10

Ẽbẽrarã wãsid̶aud̶e Jesús baara nibabadaurã 12 panuuba maud̶e waabenarã ichi jãkaa panuuba id̶isid̶au ichiba nebʉrʉd̶a jaradead̶a ʉ̃rʉbena.

Romanos 14:15

Maud̶eeba chi bichiba kobarii kakua bichi ãba ichi sõd̶e kachirua b̶eeruubʉrã, bichi kʉ̃riad̶eeba niiwãe. Chi bichiba kobarii kakua bichi ãba kĩra nomaabirã́se Cristo mau kakua biusiid̶eeba.

Romanos 8:9

Maamina Dachi Akõre Jauri biawãra machi sõd̶e b̶uubʉrã, ichid̶eeba nibabadau. Nau kakuaba wau kʉ̃ria b̶uud̶eeba nibad̶aabai. Biawãra chi Cristo Jauri wãꞌãe nii, Cristod̶ewãema.

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

1 Corintios 3:23

Joma machi Cristod̶erãbʉ. Maud̶e Cristo Dachi Akõred̶ebʉ.

2 Corintios 10:7

Machiba chi ʉ̃rʉbena ichia panuu. Barikiuba biawãra Cristod̶e b̶uu kʉ̃risia b̶uubʉrã, kuitaa b̶uai b̶uu dai sid̶a Cristod̶erã.

Gálatas 3:29

Machi Cristod̶ed̶eeba biawãra Abraham warrarãbʉ. Mauba Dachi Akõreba machi karibasii ichiba Abrahammaa dachi karibai asiid̶eeba.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.