Marcos 7:36 - Emberá Chamí

³⁶ Jesusba ãchimaa jarasii mau ʉ̃rʉbena ab̶aumaa bid̶a jararãad̶amera. Maamina aude nebʉrʉbachid̶au.

Marcos 7:36 Mawu Ofanana

Mateo 8:4

Jesusba ichimaa jarasii: —Bichi chi kakua anid̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Moisesba jarad̶a kĩra ne kaebea dease. Maka ẽbẽrarãba kuitaad̶ai bichi biawãra aribiad̶a.

Marcos 3:12

Maamina Jesusba jai kachiruarãmaa iadaakuabachii ichi ʉ̃rʉbena arakʉd̶e jararãad̶amera.

Marcos 5:43

Maamina Jesusba ãchimaa ãrea jarasii ab̶aumaa bid̶a jararãad̶amera. Maud̶e jarasii wẽrakaumaa ne kobid̶amera.

Marcos 7:35

Ara makʉd̶e chi mukĩra berrea kob̶eesii maud̶e chi kʉʉrʉ ẽesãasii.

Marcos 7:37

Chi ũriped̶aad̶arã pera bara b̶eesii maabae chiya berrea bara b̶eesii: «Biawãra b̶uu Jesusba joma biꞌia waubarii. ¡Kʉʉrʉ kiape b̶ee ũribiabarii maud̶e bosara nuree berreabiabarii!»

Marcos 8:26

Jesusba ichimaa naka jarasii: —Deed̶aa wãaruud̶e puurud̶aa wãrã́se. Mʉʉba waud̶a ab̶aumaa bid̶a jararã́se.

Marcos 9:9

Maabae ead̶ebena ed̶aa wãaduu nid̶aud̶e Jesusba ãchimaa ãrea jara kob̶eesii ead̶e unuped̶aad̶a ab̶aumaa bid̶a jararãad̶amera ab̶a chi Ẽbẽra Ba B̶uad̶a chokae jiraduuruud̶aa.