Marcos 7:19 - Emberá Chamí

¹⁹ dachi sõd̶e ed̶a wãwẽa b̶uud̶eeba. Joma chi ẽbẽra okarrd̶e wãaruu, b̶id̶e wãbarii maabae awara wãbarii. Maka jara b̶uud̶eeba Jesusba kuitaabiasii ne joma kod̶ai biꞌia b̶uu.

Marcos 7:19 Mawu Ofanana

Mateo 15:17

Joma chi ẽbẽra okarrd̶e wãaruu, b̶id̶e wãbarii maabae awara wãbarii. ¿Mau kuitaad̶awẽa panuka?

Marcos 7:18

Maud̶e Jesusba jarasii: —¿Machia bid̶a wabid̶a mau adua panuka? Ũrísturu: dachiba kobadauba Dachi Akõre daad̶e miadaa b̶ukau,

Lucas 11:41

Sõbiad̶eeba chi nejarr barauwãe nureerãmaa machiba uru panuud̶ebena deásturu. Maka biawãra machi biꞌia jeraad̶a kĩra paneed̶ai.

Hechos 10:15

Chi mimiba waya jarasii: —Chi Dachi Akõreba biꞌia b̶ud̶a mau miadaa b̶uu a jararã́se.

Hechos 11:9

Maud̶e bajãad̶ebena chi mimiba mʉʉmaa waya jarasii: “Chi Dachi Akõreba biꞌia b̶ud̶a mau miadaa b̶uu arã́se”.

1 Corintios 6:13

Maud̶e waabenarãba jarabadau: «Chiko dachi b̶i baita b̶uu, maud̶e dachi b̶i ãnimara kiuru baita b̶uu». (Maka b̶umina Dachi Akõreba mau omea wãꞌãebii). Maamina dachi kakuaba barikia kachirua waui b̶uai baita b̶uuwãe, maumaarã Dachi Mechiu baita b̶uu.

Colosenses 2:16

Maud̶eeba machiba kobadau ʉ̃rʉbena maud̶e dobadau ʉ̃rʉbena ẽbẽrarãba kachirua jaraaduubʉrã, maarã bed̶ea ijãarã́sturu. Machiba ẽbẽrarã kĩrajʉʉ bara b̶uabarii ewari waubadau ewari nud̶akau, jed̶ako wid̶i nud̶akau maud̶e bari panabadau ewari nud̶akau ʉ̃rʉbena maarãba kachirua jaraaduubʉrã, ijãarã́sturu.