Marcos 6:51 - Emberá Chamí

⁵¹ Jesús jãbad̶e atausiid̶e chi pũatu apiisii. Maud̶eeba kãare kʉ̃risiad̶ai adua basii.

Marcos 6:51 Mawu Ofanana

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.

Marcos 1:27

Maud̶eeba jomaurãba kuitaa kʉ̃risiad̶aabasii. Ãchiba chiya id̶i kopaneesid̶au: «¿Nau kãarema? Jesusba jaradea b̶uu chi wid̶ibʉ, ãrea kuitaa arakʉd̶e jaradeabariid̶eeba. Chi jai kachiruarã bid̶a ichiba jaraaruu ũri panuu».

Marcos 2:12

Ara makʉd̶e chi b̶akara bʉʉ b̶uad̶a jiraduped̶a ichi jira adoebadau adauped̶a jomaurã daad̶e wãsii. Maud̶eeba jomaurãba kuitaa kʉ̃risiad̶aabasii maud̶e Dachi Akõremaa biꞌia berrea duaneesid̶au. Naka jarasid̶au: —¡Nau kĩra dachiba unud̶aka basii!

Marcos 4:39

Maabae Jesús jiraduped̶a pũatu maud̶e do ʉ̃rapemaa iadaasii: —¡Chũpease! ¡Apiise! Ara makʉd̶e pũatuwẽa did̶isii. Joma apii nub̶eesii.

Marcos 4:41

Maamina Jesusba waud̶a kakua ãchi ãrea wapeasid̶au. Maud̶eeba ãchi chiya id̶i bara b̶eesii: —¿Nau kaima? Pũaturãba maud̶e mar bid̶a ichi bed̶ea ijãa panuu.

Marcos 5:42

Ara makʉd̶e jiraduped̶a wãkarãad̶easii. Mau wẽrakau 12 año nibasii. Mau unusid̶aud̶e, ẽbẽrarã kãare kʉ̃risiad̶ai adua duaneesid̶au.

Marcos 6:32

Ara makʉd̶e ãchi du ab̶a jãbad̶e wãsid̶au ẽbẽrarã wãꞌãemaa.

Marcos 7:37

Chi ũriped̶aad̶arã pera bara b̶eesii maabae chiya berrea bara b̶eesii: «Biawãra b̶uu Jesusba joma biꞌia waubarii. ¡Kʉʉrʉ kiape b̶ee ũribiabarii maud̶e bosara nuree berreabiabarii!»

Juan 6:21

Maud̶e ichi jãbad̶e kĩrajʉʉ irsibisid̶au. Ara makʉd̶e ãchi wãaduumaa neesid̶au.