Marcos 6:34 - Emberá Chamí

³⁴ Jesús jãbad̶ebena ed̶aa wãsiid̶e ẽbẽrarã ãrea unusii. Oeja nubariiwãe nuree kĩra duanuud̶eeba, Jesusba ãchi kĩra chuburiasii. Maud̶eeba ãchimaa ne ãrea jaradea kob̶eesii.

Marcos 6:34 Mawu Ofanana

Mateo 14:14

Jesús jãbad̶ebena ed̶aa wãsiid̶e ẽbẽrarã ãrea unusii. Maarã kĩra chuburiasiid̶eeba chi ẽpermo nuree aribiabiasii.

Mateo 15:32

Maka panuud̶e Jesusba ichi baara nibabadaurã iukuaped̶a jarasii: —Mʉʉba nau ẽbẽrarã kĩra chuburia b̶uu, mʉ baara panuu ewari õbea baaruud̶eeba. Ãchiba kod̶ai wãꞌãesii. Mʉʉba jãarã ãchi deed̶aa kod̶awẽa wãd̶ai kʉ̃riawẽe. Mʉʉba bari ara jãka wãd̶ai ida b̶uuruubʉrã od̶e wawa did̶id̶ai.

Mateo 9:36

Ẽbẽrarã ãrea araa ãbua imi nub̶uu unusiid̶e kĩra chuburiasii, miichuburi panasiid̶eeba, kĩra nomaa panasid̶aud̶eeba, oeja nubariiwãe nuree kĩra.

Marcos 6:33

Maamina ãreaba ãchi wãaduu unusid̶au. Maud̶e kuitaasid̶au kairã wãped̶aad̶a. Maud̶eeba puuruchad̶ebenarã ãchi naa pirad̶aped̶a ãchi naa neesid̶au.

Marcos 6:35

Kiumaa b̶uud̶e Jesús baara nibabadaurã ichimaa need̶aped̶a jarasid̶au: —Nama ara kaita ẽbẽrarã wãꞌãe. Mau awara kiumaa b̶uu.

Marcos 8:1

Mau ewarid̶e waya ẽbẽrarã Jesusmaa ãrea pĩchua neesid̶au. Kod̶awẽa panasid̶aud̶eeba Jesusba ichi baara nibabadaurã iukuaped̶a jarasii:

Marcos 8:2

—Mʉʉba nau ẽbẽrarã kĩra chuburia b̶uu, mʉ baara panuu ewari õbea baaruud̶eeba. Ãchiba kod̶ai baita uru panad̶a wãꞌãesii.

Lucas 9:11

Maamina ẽbẽrarãba ichi aria b̶uu kuitaad̶aped̶a araa wãsid̶au. Maud̶e Jesusba ãchi biꞌia irsibiped̶a jaradea kob̶eesii Dachi Akõreba ichid̶irã ichi juad̶e ua b̶uai ʉ̃rʉbena. Mau bed̶ea bia jaradea b̶uud̶e chi ẽpermo nuree aribiabiasii.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.