Marcos 4:38 - Emberá Chamí

³⁸ Maud̶e Jesús chi jãba drud̶e borokaumaa sĩu kãi nub̶uasii. Maud̶eeba ichi baara nibabadaurãba ʉ̃rʉmad̶aped̶a naka jarasid̶au: —Jaradeabarii, ¿bichimaarã dachi ʉ̃yaba jãri biud̶ai bia b̶uka?

Marcos 4:38 Mawu Ofanana

Mateo 22:16

Maud̶eeba fariseorãba ãchi baara nibabadaurã maud̶e Herodes jãkaa panuurã Jesusmaa bʉisid̶au. Maarãba Jesusmaa jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii.

Mateo 8:25

Maud̶eeba ichi baara nibabadaurãba ʉ̃rʉmad̶aped̶a jarasid̶au: —¡Dai Akõre Mechiu, dai karibase! ¡Dachi taawãmaa panuu!

Marcos 4:37

Maka mar kĩaraa wãaduud̶e chi pũatu mimichia pũa kob̶eesii maud̶e mar ʉ̃rapeba chi jãbamaa mechia wãkarãad̶easii. Maud̶eeba chi jãba taawãmaa b̶uasii.

Marcos 4:39

Maabae Jesús jiraduped̶a pũatu maud̶e do ʉ̃rapemaa iadaasii: —¡Chũpease! ¡Apiise! Ara makʉd̶e pũatuwẽa did̶isii. Joma apii nub̶eesii.

Lucas 8:24

Maud̶eeba Jesús ʉ̃rʉmad̶aped̶a naka jarasid̶au: —¡Jaradeabarii, Jaradeabarii, dachi taawãmaa panuu! Jesús jiraduped̶a pũatu maud̶e do ʉ̃rapemaa jarasii apiid̶amera. Ara makʉd̶e joma apii nub̶eesii.

Juan 4:6

Aria Jacobd̶e bania juibadau chob̶ea nub̶uasii. Ʉmada jipa baburuud̶e Jesús niid̶e kakua ãkaa b̶uasii. Maud̶eeba mau bania juibadau chob̶ea jãkaa akʉ b̶eesii.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

1 Pedro 5:7

Machiba ãrea kʉ̃risia panuu Dachi Akõremaa joma jarásturu, ichiba machi nu b̶uud̶eeba.