Marcos 4:26 - Emberá Chamí

²⁶ Maud̶e Jesusba jarasii: —Dachi Akõreba ichid̶irã ichi juad̶e ua b̶uu chi iorod̶e netaa pobarii kĩra b̶uu.

Marcos 4:26 Mawu Ofanana

Mateo 13:11

Jesusba panausii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu.

Mateo 13:24

Maabae Jesusba june nebʉrʉsii jaradeai baita: «Bajãad̶e B̶uuba ichid̶irã ichi juad̶e ua b̶uu nau kĩra b̶uu. Ẽbẽra b̶uasii. Mau ẽbẽraba ichi druad̶e trigo taa biꞌia kau uusii.

Mateo 13:3

Maabae Jesusba ãchimaa naka ãrea nebʉrʉ kob̶eesii ne jaradeai baita: «Ẽbẽra ab̶a netaa pod̶e wãsii.

Mateo 13:31

Jesusba maucha june nebʉrʉsii jaradeai baita: —Bajãad̶e B̶uuba ichid̶irã ichi juad̶e ua b̶uu nau kĩra b̶uu. Ẽbẽraba mostaza taa ichi druad̶e uusii.

Mateo 13:33

Maud̶e Jesusba maucha nebʉrʉsii, jaradeai baita: «Bajãad̶e B̶uuba ichid̶irã ichi juad̶e ua b̶uu masa ẽesãabibarii kĩra b̶uu. Mau masa ẽesãabibarii wẽraba b̶aꞌãra adauped̶a harina ãread̶e kuasii. Maabae ed̶a ãrea perasii ab̶a joma ẽesãaruud̶aa».

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Mateo 4:17

Mau ewari tõpe Jesusba naka jara nibasii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa nésturu».

Marcos 4:25

Ab̶auba biawãra kuitaaruubʉrã, Dachi Akõreba aude kuitaabii. Maamina chi adua niiba ne kuitaa b̶uu kʉ̃risiaruubʉrã ichiba kʉ̃risia b̶uu Dachi Akõreba mau juakaa adaui».

Marcos 4:27

Ẽsabud̶e ẽbẽra kãi nub̶uumisa maud̶e ãyadaa chokae b̶uumisa, chi netaa tonoped̶a waribarii. Chi pod̶aba saka waribi b̶uu kuitaakamina, makabarii.

Lucas 13:18

Maabae Jesusba jarasii: «Dachi Akõreba ichid̶irã ichi juad̶e ua b̶uu ¿kãare kĩra b̶uma?

Lucas 8:11

Mʉʉba nebʉrʉd̶a naka jara b̶uu: chi netaa Dachi Akõre bed̶eabʉ.

Lucas 8:5

«Ẽbẽra ab̶a netaa pod̶e wãsii. Maka po kãriid̶e chi b̶ee netaa od̶e b̶aesid̶au. Maud̶eeba ẽbẽrarãba ʉ̃rʉ biraduasid̶au maud̶e ibanarãba pemikuasid̶au.

Juan 12:24

Mʉʉba biawãra jaraaruu: trigo taa iorod̶e b̶aeruuwãebʉrã maud̶e biuruubʉrã, istu b̶eebarii. Maamina mau taa biud̶a kĩra iorod̶e b̶eeruubʉrã, tonoped̶a ãrea chaubarii.

Santiago 3:18

Jirukaraayuwãe b̶uabariid̶eeba, waabenarã jirukaraayuwãe panabiabarii, ne uuruu kĩra. Mau ẽbẽraba unui chi waabenarãba jipa wau panuu, ne jõ bakuru biꞌia chaubarii kĩra.