Marcos 2:27 - Emberá Chamí

²⁷ Maabae Jesusba ãchimaa jarasii: —Dachi Akõreba ẽbẽra waubasii bari panabadau ewari nud̶amera maumaarã bari panabadau ewari b̶usii ẽbẽrarã kʉrrjĩrud̶amera.

Marcos 2:27 Mawu Ofanana

Marcos 2:28

Mʉ, chi Ẽbẽra Ba B̶uad̶a bari panabadau ewari Mechiubʉ.

Lucas 6:9

Maabae Jesusba ãchimaa jarasii: —Mʉʉba machimaa id̶iiruu: bari panabadau ewarid̶e ¿kãare waud̶ai panuma? ¿Chi bia maebʉrã chi kachirua? ¿Waabenarã karibai maebʉrã ida biubiaika?

Juan 7:23

Moisesba b̶ʉd̶a waud̶ai baita machiba bari panabadau ewarid̶e wãwa chi kakua tõobadau. Mau machi ¿sakãe mʉ ome kĩru panuma bari panabadau ewarid̶e ẽbẽra aribiabid̶a kakua?

2 Corintios 4:15

Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.

Colosenses 2:16

Maud̶eeba machiba kobadau ʉ̃rʉbena maud̶e dobadau ʉ̃rʉbena ẽbẽrarãba kachirua jaraaduubʉrã, maarã bed̶ea ijãarã́sturu. Machiba ẽbẽrarã kĩrajʉʉ bara b̶uabarii ewari waubadau ewari nud̶akau, jed̶ako wid̶i nud̶akau maud̶e bari panabadau ewari nud̶akau ʉ̃rʉbena maarãba kachirua jaraaduubʉrã, ijãarã́sturu.