Marcos 14:71 - Emberá Chamí

⁷¹ Pedroba jarasii: —¡Mʉʉba setaa jaraaruubʉrã Dachi Akõreba mʉ kastikai! Biawãra jaraaruu: chi machiba jara panuu ẽbẽra mʉʉba mau unukau.

Marcos 14:71 Mawu Ofanana

Marcos 14:70

Pedroba maka ũriped̶a waya merasii. Kãꞌãabariwãed̶e chi aria panuuba waya Pedromaa jarasid̶au: —Biawãra bichi maarãd̶ebenabʉ. Bichi Galilead̶ebenabʉ. Jãarã kĩra berreabarii.

Marcos 14:72

Ara makʉd̶e eterr waya birusii. Ara maud̶e Pedroba kĩrabasii Jesusba jarad̶a: «Eterr b̶es ome birui naed̶e, bichiba b̶es õbea mʉ unukau ai». Mau kʉ̃risiaped̶a, Pedro jẽasii.

1 Corintios 10:12

Maud̶eeba ab̶auba ãrea ijãa b̶uu kʉ̃risia b̶uubʉrã, ara ichi du ab̶a kauwa b̶uai b̶uu kachiruad̶e ida b̶aebiamaaba.