Marcos 14:5 - Emberá Chamí

⁵ Nedobʉid̶a basirã chi nejarra ãrea adaud̶ai basii. Mauba chi nejarr barauwãe nuree aid̶ad̶ai basii. Maud̶eeba mau wẽra iadaasid̶au.

Marcos 14:5 Mawu Ofanana

Mateo 18:28

»Maabae chi ẽbẽra wãsii. Mau mukĩra awara wãaruud̶e ichi kõpaero ab̶a unusii. Mauba ichimaa chi nejarra b̶aꞌãra deai b̶uasii. Mau otãabara adauped̶a jarasii: “Mʉʉmaa deai b̶uu dease”.

Mateo 20:11

Maud̶eeba uva uu nub̶uu chibari ʉ̃rʉbena kachirua berrea duaneesid̶au.

Mateo 26:9

Nedobʉid̶a basirã chi nejarra ãrea adaud̶ai basii. Mauba chi nejarr barauwãe nuree aid̶ad̶ai basii.

Marcos 14:4

Chi nuree aria panad̶a kĩrusid̶au maabae ãchi chiya berrea bara b̶eesii: —¿Sakãe jãu kera jãka ãrisma? asid̶au.

Marcos 14:6

Maamina Jesusba ãchimaa jarasii: —Ida b̶ústuru. ¿Sakãe kachirua jara panuma? Jãu wẽraba waud̶a biꞌia b̶uu.

Lucas 15:2

Maud̶eeba fariseorãba, Moisesba b̶ʉd̶a jaradeabadaurã bid̶a ichi naka kachirua jarasid̶au: «Ichiba kachirua waubadaurã biꞌia irsibiped̶a maarã ome kobarii».

Juan 13:29

Judasba ãchi chi nejarra pebadau ũabisa uru b̶uabachii. Maud̶eeba waabenarãba kʉ̃risiasid̶au Jesusba chi bari panabadau ewari baita nedobʉimera jarasii maebʉrã chi nejarr barauwãe nureerãmaa dead̶e wãmera.

Juan 6:43

Maka panuud̶e Jesusba jarasii: —Waa kachirua berrearã́sturu.

Juan 6:7

Felipeba panausii: —Ab̶a año baidia trajad̶a bare paaped̶aad̶aba poyaa pan nedod̶aabai b̶uu, ẽbẽrarã ab̶aab̶aamaa b̶aꞌãra bid̶a kobiad̶ai baita.

1 Corintios 10:10

Kĩrajʉʉwẽa panuud̶eeba Dachi Akõre ʉ̃rʉbena kachirua berrearã́sturu waabenarã chi nureeba wauped̶aad̶a kĩra. Maud̶eeba chi ángel dachi kinibibariiba ãchi ãrea kinibiasii.

Efesios 4:28

Nechirua badaad̶a waa nechiruabai b̶uu, maumaarã ichi juaba trajai b̶uu ne uru b̶uai baita. Maka ichiba uru b̶uai chi nejarr barauwãe nuree aid̶ai baita.

Filipenses 2:14

Waabenarã ʉ̃rʉbena kachirua berread̶awẽa maud̶e oa kachirua berread̶awẽa joma wáusturu.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.