Marcos 13:10 - Emberá Chamí

¹⁰ Maamina nau ewari neei naed̶e chi bed̶ea bia mʉ ʉ̃rʉbena joma puurucha jarad̶ai panuu.

Marcos 13:10 Mawu Ofanana

Mateo 12:41

Mau awara Dachi Akõreba jomaurã kastikai ewarid̶e Nínive puurud̶ebenarã jiradud̶aped̶a machi chi id̶ibaebenarã nebʉra barau a jarad̶ai. Jonasba jarad̶a ũrisid̶aud̶e ãchiba kachirua ida b̶ud̶aped̶a Dachi Akõremaa neesid̶au. Mau Jonás audeara chi mechiu nii nama b̶umina machiba ijãad̶awẽa panuu.

Mateo 24:14

Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Romanos 1:8

Naa mʉʉba jaraaruu: Jesucristod̶eeba mʉʉba joma machi baita Dachi Akõremaa ichíturu kid̶ibai abarii machiba Jesucristod̶e ijãa panuu ʉ̃rʉbena druachabenarãba berrea panuud̶eeba.

Romanos 10:18

Maamina mʉʉba id̶iiruu: ¿Judiorãba mau bed̶ea ũrid̶aabaska? Biawãra ũrisid̶au. Dachi Akõre bed̶ead̶e naka b̶ʉ kub̶uu: «Ichi ʉ̃rʉbena joma nau iujãad̶e jarasid̶au. Mau bed̶ea kaitawẽ jarad̶e wãsid̶au».

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Apocalipsis 14:6

Mau maad̶akare mʉʉba ángel ab̶a bajãad̶e ũub̶ari nii unusii. Mauba chi bed̶ea bia uru b̶uasii chi nau iujãad̶ebena jomaurãmaa jarai baita: puurud̶ebenarãcha, druad̶ebenarãcha, ẽbẽrarã didiwaraacha maud̶e bed̶ea didiwaraacha. Mau bed̶ea ewaricha maka b̶uai.