Marcos 12:15 - Emberá Chamí

¹⁵ Jesusba ãchi ẽbẽrarã chi jipa kĩra nuree kuitaasiid̶e, naka jarasii: —Machiba ¿sakãe mʉ kachirua berreabid̶ai kʉ̃ria panuma? Sẽetao dachiba paabadau ab̶a unubiásturu.

Marcos 12:15 Mawu Ofanana

Mateo 20:2

Waabenarã ẽbẽrarã ome berreasii ewari ab̶a trajad̶a bare chi nejarra deai baita. Maabae ãchi ichi drua uva uud̶ad̶aa trajad̶e wãbiasii.

Mateo 22:18

Jesusba kuitaa b̶uasii ichi setaa kũrua panuu, mau nebʉrad̶e b̶aebid̶ayua. Naka jarasii: —Machi setaa ẽbẽra bia nuree abadau, ¿sakãe mʉ kachirua berreabi kʉ̃ria panuma?

Marcos 10:2

Maka b̶uud̶e waabenarã fariseorã neesid̶au. Ichi kachirua berreabid̶ai baita naka id̶isid̶au: —¿Mukĩraba chi wẽra amaai biꞌia b̶uka?

Marcos 12:14

Need̶aped̶a jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii. Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Marcos 12:16

Ara makʉd̶e adoesid̶au. Maud̶e Jesusba id̶isii: —¿Kai kĩedarrma nau chi sẽetaod̶e b̶uu? ¿Kai trʉ̃ b̶ʉ kub̶uma? Ãchiba panausid̶au: —Romad̶ebena chi aude mechiu niid̶e.

Lucas 20:23

Maamina Jesusba kuitaa b̶uasii ichi setaa kũrua panuu, mau nebʉrad̶e b̶aebid̶ayua. Maud̶eeba jarasii: —¿Machiba sakãe mʉ kachirua berreabii kʉ̃ria panuma?

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Juan 8:6

Ãchiba maka id̶isid̶au Jesusmaa kachirua berreabid̶ai baita, mauba ichi jidead̶ayua. Maud̶e Jesús ed̶aa sinib̶arikau kob̶eeped̶a ichi jua jimid̶iba iorod̶e b̶ʉ kob̶eesii.

Hechos 5:9

Maud̶eeba Pedroba jarasii: —Machi ¿sakãe setaa waud̶ai baita bed̶ea deasid̶ama Dachi Mechiu Jauriba saka waui kuitaai baita? ¡Ichiáse! Bichi kima jau b̶ud̶e wã panad̶a jari uruuduu. Jãabae bichi sid̶a jau b̶ud̶e adoed̶ai.

1 Corintios 10:9

Cristoba saka waui kuitaai dachiba kachirua waud̶aabai panuu waabenarã ãchiba wauped̶aad̶a kĩra. Maud̶eeba chi nuree damaba kaakuaped̶a kinisid̶au.

Hebreos 4:13

Dachi Akõreba chi ichiba waud̶a joma unubarii. Ab̶a bid̶a wãꞌãe ichiba unukau. Ichiba ne joma dod̶aa unubarii, dachiba mera uru panuu sid̶a arakʉd̶e unubarii. Ichiba ichiaruud̶e joma dachiba wauped̶aad̶a ichimaa jarad̶ai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.