Marcos 10:30 - Emberá Chamí

³⁰ ichiba b̶ʉid̶a audeara nau ewarid̶e 100 adaui: de, ãbarã, neekau, nawe, warrarã maud̶e ichi drua. Ẽbẽrarãba ichi kachirua waud̶ai baita wãraad̶ai maamina kaad̶ebena ewarid̶e Dachi Akõre ome ewaricha chokae b̶uai.

Marcos 10:30 Mawu Ofanana

Mateo 12:32

Ab̶auba mʉ, chi Ẽbẽra Ba B̶uad̶a ʉ̃rʉbena kachirua berrearuubʉrã Dachi Akõreba mau perdonai. Maamina ab̶aba Dachi Akõre Jauri kachirua berrearuubʉrã, Dachi Akõreba mau perdonaabai. Nau ewarid̶e maebʉrã mau ewari neeruud̶e, mau kachirua berrea b̶uad̶a kakua perdonaabai.

Mateo 13:8

Maamina chi waabenarã netaa ioro biad̶e b̶aesid̶au. Waabenarã netaa ab̶ad̶ebena 30 deasii, 70 maebʉrã 100.

Mateo 6:33

Maud̶eeba machiba jʉrʉ́sturu Dachi Akõreba machi ichi juad̶e ua b̶uai, ichid̶irã baara. Kauwa panásturu ichiba waubi b̶uu waud̶ai. Maka machiba wãꞌãe panuu ichiba joma mau deai.

Juan 10:23

Jesús nibasii Dachi Akõre de mechiu ãbudare, Pórtico Salomón abachid̶aumare.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 16:25

Ẽsabud̶e ẽsa baaruud̶e Pabloba maud̶e Silasba Dachi Akõremaa ʉtaa id̶i panasid̶au maud̶e ichimaa kari panasid̶au. Mau waabena jʉ̃a duanuurãba ũri panasid̶au.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Romanos 5:3

Mau awara dachi ãrea biꞌiwãe panuud̶e kĩrajʉʉ panabadau, kuitaa panuud̶eeba mauba dauchia jãaduad̶ai kuitaad̶ai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

2 Tesalonicenses 2:16

Dachi Akõreba dachi kʉ̃riasii. Ichi sõbiad̶eeba sõbia nureabiasii ewaricha maka panad̶amera. Maud̶e kuitaabiasii biawãra ichid̶eeba ne bia adaud̶ai. Daiba kʉ̃ria panuu Dachi Mechiu Jesucristoba maud̶e Dachi Bajãad̶ebena Akõreba machi sõbiabid̶ayu maud̶e dauchia jãadua panad̶ayu. Maka machiba berrea panuu maud̶e wau panuu joma biꞌia b̶uai.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

1 Timoteo 6:6

Biawãra jipa nid̶aud̶eeba ne bia ãrea uru panuu, maamina ara dachiba nau druad̶e uru panuuba kĩrajʉʉ nureebʉrã.

Santiago 1:12

Ab̶a kachirua waui kʉ̃risia dauchia jãadua b̶uubʉrã, Dachi Akõre daad̶e ãrea biꞌia b̶uu. Joma dauchia jãaduaruud̶e Dachi Akõreba boro jũra dearuu kĩra ichi ewaricha chokae b̶uabii. Dachi Akõreba joma ichi kʉ̃ria nureerã biawãrad̶eeba maka chokae b̶uabiai.

Santiago 5:11

Dachimaarã, chi ãrea biꞌiwãe panuud̶e dauchia jãadua nuree ãrea biꞌia nuree. Machiba ũribadau Job ichi ewarid̶e ãrea biꞌiwãe b̶uad̶a joma dauchia jãaduasii. Mau ewari ãrea nebʉrad̶e b̶uaped̶a, kuitaa panuu Dachi Mechiuba ichi biꞌia b̶usii. Mauba kĩra chuburia b̶uu maud̶e kʉ̃riad̶eeba aid̶ai b̶uu.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.