Marcos 1:5 - Emberá Chamí

⁵ Maud̶e ẽbẽrarã Jerusalend̶ebenarã maud̶e joma Judea druad̶ebenarã Juanmaa wãbachid̶au. Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Marcos 1:5 Mawu Ofanana

Mateo 4:25

Ãrea Galilead̶ebenarã, Decápolis druad̶ebenarã, Jerusalend̶ebenarã, Judead̶ebenarã maud̶e Jordán do kĩaraabenarã Jesús baara wãsid̶au.

Marcos 1:4

Ara mau kĩra Juan chi Boro Eabarii drua sirua wãꞌãe b̶uud̶e ẽbẽrarãmaa jaradea b̶eesii ãchi kachirua ida b̶ud̶aped̶a Dachi Akõremaa need̶amera. Ichiba jarasii maka wauduubʉrã Dachi Akõreba ãchi kachirua perdonai. Maabae boro ead̶ai panuu abachii.

Marcos 1:6

Juanba paru camello kara waud̶a jʉ̃bachii. Kʉrrd̶e ãnimara e waud̶a jʉ̃bachii. Sisi kobachii maud̶e moded̶ebena nidurr kũab̶ari b̶aa dobachii.

Juan 1:28

Joma mau makasii drua Betania puuru abadaumaa, Jordán do kĩare orienteare Juanba boro ea b̶uad̶amare.

Juan 3:23

Maumisa Juanba boro ea b̶uabachii Enond̶e, Salim puuru kaita, aria bania ãrea b̶uud̶eeba. Aria ẽbẽrarã wãbachid̶au, boro eabidai baita.

Juan 5:35

Juan ʉ̃d̶aa koabarii kĩra nibasii. Machi ichi ʉ̃d̶aad̶e kĩrajʉʉ panasid̶au ichi machi baara ãrea b̶uabasmina.

Hechos 19:18

Mau ewarid̶e ãrea Jesusd̶e ijãa panuurã aria need̶aped̶a chi ãchiba kachirua wauped̶aad̶a jomaurã daad̶e jarasid̶au.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.