Marcos 1:38 - Emberá Chamí

³⁸ Maud̶e Jesusba jarasii: —Waabenarã puururãd̶aa wãd̶ai mʉʉba aria bid̶a jaradeai b̶uud̶eeba. Mʉ mau kakua neesii.

Marcos 1:38 Mawu Ofanana

Marcos 1:37

Unusid̶aud̶e jarasid̶au: —Jomaurãba bichi jʉrʉ panuu.

Marcos 1:39

Maka joma Galilea druad̶e nibasii. Judiorã araa ãbua imibadau decha jaradeabachii. Ichi wãaruumaa jai kachirua duabʉikabachii.

Lucas 2:49

Jesusba panausii: —Machiba ¿sakãe mʉ jʉrʉ panuma? ¿Mʉ Chacha ded̶e b̶uai b̶uu adua panuka?

Lucas 4:43

Maamina Jesusba ãchimaa jarasii: —Mʉʉba waabena puuru b̶eed̶e jaradeai b̶uu Dachi Akõreba ichid̶irã ichi juad̶e ua b̶uu ʉ̃rʉbena. Dachi Akõreba mʉ bʉisii mau bed̶ea bia jaramera.

Juan 16:28

Mʉ Chacha b̶uumarebena nau iujãad̶aa neesii. Maamina mʉʉba nau iujãa b̶ʉi mʉ Chachamaa waya wãi baita.

Juan 17:4

Bichiba mʉʉmaa nau iujãad̶e waubid̶a mʉʉba joma wausii. Maka kuitaabisii bichi chi mechiu nii.

Juan 17:8

Bichiba mʉʉmaa jarad̶a mʉʉba maarãmaa jaradeasii. Maarãba mau bed̶ea ijãasid̶au. Maud̶eeba kuitaa panuu biawãra mʉ bichid̶ebena neesii. Biawãra ijãa panuu bichiba mʉ bʉisii.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.