Lucas 8:46 - Emberá Chamí

⁴⁶ Maamina Jesusba jarasii: —Ab̶auba mʉ wausii. Mʉʉba kuitaa b̶uu mʉ poyaad̶eeba mau aribiabisii.

Lucas 8:46 Mawu Ofanana

Lucas 5:17

Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Lucas 6:19

Joma chi ẽpermo nureerãba ichi wau kʉ̃ria panasid̶au Dachi Akõre poyaad̶eeba aribiabii b̶uud̶eeba.

Lucas 8:47

Chi wẽraba waud̶a poyaa merawẽe kuitaasiid̶eeba peraba uri kub̶uu wãped̶a Jesús jʉ̃rʉ kaita õdarrd̶e kob̶eesii. Maabae jomaurã daad̶e ichiba jarasii sakãe Jesús waud̶a maud̶e ara makʉd̶e aribiad̶a.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.