Lucas 7:25 - Emberá Chamí

²⁵ Maka kʉ̃risiad̶aabasii. Mau ¿kãare unud̶ai kʉ̃risiasid̶ama? ¿Ẽbẽra ab̶aba paru mipitaa ãrea jʉ̃ nii unud̶ai kʉ̃risiasid̶aka? Makawãema; maarã paru mipitaa jʉ̃ nureerã maud̶e ne kaebea biꞌia uru nureerã reyrã ded̶e panabadau.

Lucas 7:25 Mawu Ofanana

Mateo 11:8

Maka kʉ̃risiad̶aabasii. Mau ¿kãare unud̶ai kʉ̃risiasid̶ama? ¿Ẽbẽra ab̶aba paru mipitaa ãrea jʉ̃ nii unud̶ai kʉ̃risiasid̶aka? Makawãema; chi ẽbẽra paru mipitaa jʉ̃ nureerã reyrã ded̶e panabadau.

Mateo 3:4

Juanba paru camello kara waud̶a jʉ̃bachii. Kʉrrd̶e ãnimara e waud̶a jʉ̃bachii. Sisi kobachii maud̶e moded̶ebena nidurr kũab̶ari b̶aa dobachii.

Mateo 6:29

Maamina mʉʉba jaraaruu: dachi nabẽraed̶ebena rey Salomón ãrea barau nibasmina nepono kĩra mipitaa jʉ̃ka basii.

Lucas 16:19

»Ẽbẽra chi nejarra ãrea barau nii b̶uasii. Mau paru biꞌia ãrea jʉ̃bachii maud̶e kobadau mechiu ewaricha waubachii. Mau ẽbẽra ãrea biꞌia b̶uasii.

Lucas 7:24

Juanba bʉid̶arã wãsid̶aud̶e Jesusba aria nureerãmaa Juan ʉ̃rʉbena berreasii: —Drua sirua wãꞌãe b̶uud̶aa machiba Juan ichiad̶e wãsid̶aud̶e ¿kãare unud̶ai kʉ̃risiasid̶ama? ¿Pũatuuruuba sia dodomia adoeruu kĩra maka unud̶ai kʉ̃risiasid̶aka?

Lucas 7:26

Mau ¿kãare unud̶ai kʉ̃risiasid̶ama? ¿Dachi Akõre baita berreabarii unud̶ai kʉ̃risiasid̶aka? Maerã, Dachi Akõre baita berreabarii ichiad̶e wãsid̶au. Juan Dachi Akõre baita berreabarii chi mechiu nii.