Lucas 4:37 - Emberá Chamí

³⁷ Maud̶eeba ichi puuru kaita b̶eecha Jesús trʉ̃ poa kob̶eesii.

Lucas 4:37 Mawu Ofanana

Mateo 9:26

Jesusba waud̶a ʉ̃rʉbena joma mau druad̶e ũrisid̶au.

Mateo 9:31

Maamina arabena wãaduud̶e Jesusba ãchi ome waud̶a mau druad̶e jarad̶e wãsid̶au.

Marcos 1:28

Maud̶eeba joma Galilea druad̶e kãꞌãabariwãed̶e Jesús trʉ̃ poa kob̶eesii.

Marcos 1:45

Maamina chi ẽbẽraba Jesusba ichi aribiabid̶a ʉ̃rʉbena jomaurãmaa nebʉrʉd̶e wãsii. Maud̶eeba Jesús ab̶a puurud̶e bid̶a wãabai b̶uasii. Maumaarã awara nibabachii ẽbẽrarã wãꞌãemare. Maamina ẽbẽrarã puuruchad̶ebena ichimaa wãbachid̶au.

Marcos 6:14

Herodes Galilea druad̶ebena chi rey basii. Mau Herodesba Jesusba waud̶a ʉ̃rʉbena ũrisii, ãreaba mau ʉ̃rʉbena berreasid̶aud̶eeba. Chi nureeba naka jarabachid̶au: «Juan chi Boro Eabarii chokae jiradusii. Maud̶eeba joma ẽbẽrarãba ne poyaa waud̶akau poyaa waubarii».

Lucas 4:14

Mau maad̶akare Jesús Dachi Akõre Jauri poyaad̶eeba Galilea druad̶aa waya wãsii. Joma mau druad̶e ẽbẽrarãba ichi trʉ̃ poasid̶au.