Lucas 3:12 - Emberá Chamí

¹² Maka b̶uud̶e Romad̶ebena baita chi nejarra pebadaurã boro ead̶ai baita neesid̶au. Maabae ãchiba id̶isid̶au: —Jaradeabarii, daiba ¿kãare waud̶ai panuma?

Lucas 3:12 Mawu Ofanana

Mateo 5:46

Machiba chi machi kʉ̃riabadáuturu kʉ̃ria panuubʉrã, ¿kãare Dachi Akõreba machimaa ne bia deaima? Maud̶e Romad̶ebenarã chi aude mechiu baita chi nejarra pebadaurã kʉ̃ria panuu ãchi kʉ̃ria uru panuurã.

Lucas 18:13

»Maud̶e Romad̶ebena baita chi nejarra pebarii kaitawẽwãe akʉ nub̶uasii. Maamina bajãad̶aa ichiabasii. Maumaarã kĩra nomaaba ichi pechu taapeped̶a jarasii: “Chacha, mʉ kĩra chuburiáse, mʉʉba ãrea kachirua waubariid̶eeba”.

Lucas 3:10

Maud̶eeba ẽbẽrarãba ichimaa id̶ibachid̶au: —Maka b̶uubʉrã daiba ¿kãare waud̶ai panuma?

Lucas 3:13

Juanba ãchimaa jarasii: —Machiba chi nejarra adaud̶ai panuu aude id̶irã́sturu.

Lucas 7:29

Jesusba jara b̶uu ũrisid̶aud̶e ẽbẽrarãba maud̶e Romad̶ebena baita chi nejarra pebadaurã jarasid̶au Dachi Akõreba wau b̶uu jipa b̶uu, Juanba ãchi boro ead̶ad̶eeba.

Hechos 2:37

Mau ũrisid̶aud̶e joma ãchi sõd̶e ãrea kʉ̃risia baraa duaneesid̶au. Maud̶eeba ãchiba Pedromaa maud̶e chi waabenarã Jesusba bʉid̶arãmaa id̶isid̶au: —Ãbarã, ¿kãare waud̶ai panuma?