Lucas 19:37 - Emberá Chamí

³⁷ Jesús Olivo ea ed̶aa wãbadau o kaita kãrid̶aud̶e, joma ichi baara nibabadaurãba Dachi Akõremaa jĩwa biꞌia berrea kopaneesid̶au. Kĩrajʉʉ panasid̶au Jesusba ãchi daad̶e ãchiba ẽbẽrarãba ne poyaa waud̶akau wau b̶uasiid̶eeba.

Lucas 19:37 Mawu Ofanana

Mateo 21:1

Jerusalend̶e bamaa panuud̶e Betfagé puurud̶e, Olivo ead̶e neesid̶au. Maud̶e Jesusba ichi baara nibabadaurã ome panuu puurud̶aa bʉisii.

Marcos 13:3

Maabae Olivo ead̶aa wãsid̶au, Dachi Akõre de mechiu kĩraare. Jesús aria akʉ b̶uasiid̶e Pedroba, Santiagoba, Juanba maud̶e Andresba ãchi du ab̶a ichimaa id̶isid̶au:

Marcos 14:26

Maabae Dachi Akõre bed̶ea ʉ̃rʉbena karid̶aped̶a Olivo ead̶aa wãsid̶au.

Lucas 18:43

Ara makʉd̶e unu kob̶eesiid̶e Jesús kaad̶e nibad̶easii. Mauba Dachi Akõremaa ãrea biꞌia jara nibasii. Mau unuped̶aad̶arã bid̶a Dachi Akõremaa biꞌia jara paneesid̶au.

Lucas 19:20

»Maabae ab̶a june ichi baita bari trajabarii neeped̶a jarasii: “Mʉ mechiu, bichiba chi nejarra dead̶a nama b̶uu. Mʉʉba parud̶e bʉra mera uru b̶uasii.

Lucas 19:29

Wãaruud̶e Betfagé puuru maud̶e Betania puuru kaita Olivo ead̶e neesii. Maabae ichi baara nibabadaurã ome panuu puurud̶aa bʉisii.

Lucas 19:36

Jesús wãaruu naa ẽbẽrarãba ãchi anab̶ari jʉ̃badau paru od̶e tõ bʉikasid̶au ichi biꞌia irsibid̶ai baita.

Lucas 7:16

Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Juan 12:18

Jesusba mau ẽbẽrarãba ne poyaa waud̶akau waud̶a ãreaba ũrisid̶au. Maud̶eeba ichi irsibid̶e wãsid̶au.