Lucas 19:16 - Emberá Chamí

¹⁶ Maabae ab̶a naa neeped̶a jarasii: “Mʉ chibari, bichiba chi nejarra dead̶ad̶ebena mʉʉba 10 b̶es maucha waribisii”.

Lucas 19:16 Mawu Ofanana

Lucas 19:13

Wãi naed̶e ichi baita bari trajabadaurã 10 iuped̶a chi nejarra ãrea ãchicha deasii. Maud̶e jarasii: “Mʉ neeruumisa nau chi nejarra waribísturu”.

Lucas 19:15

»Maamina chi jomaurã aude jaradea ua b̶uabariiba mau ẽbẽra chi rey b̶usii. Waya neesiid̶e ichi baita bari trajabadaurã iukuasii ichiba chi nejarra dead̶a waribi panuu kuitaayua.

Lucas 19:17

Maud̶eeba chi jaradea ua b̶uabariiba jarasii: “Biꞌia b̶uu, mʉ baita bari trajabarii bia. Mʉʉba b̶aꞌãra dead̶aba, bichiba biꞌia wausiid̶eeba mʉʉba bichi juad̶e 10 puuru b̶ui”.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.