Lucas 18:31 - Emberá Chamí

³¹ Jesusba chi ichi baara nibabadaurã 12 ãyaa adoeped̶a jarasii: «Dachi Akõre baita berreabadaurãba mʉ, chi Ẽbẽra Ba B̶uad̶a ʉ̃rʉbena kartad̶e b̶ʉsid̶au. Dachi Jerusalend̶e needuud̶e ãchiba b̶ʉped̶aad̶a joma makai.

Lucas 18:31 Mawu Ofanana

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Mateo 27:63

—Dai chibari, daiba kĩraba panuu jãu ẽbẽra seta id̶aa nii wabid̶a chokae b̶uasiid̶e naka jarasii: “Mʉ ewari õbead̶e chokae jiradui”.

Marcos 8:9

Aria chi koped̶aad̶a 4.000 basii. Ara makʉd̶e Jesusba chi ẽbẽrarã wãbiasii.

Lucas 10:30

Jesusba panausii: —Earab̶a ẽbẽra Jerusalend̶ebena Jericod̶aa wãsii. Wãaruud̶e nechirurãba ichi jidaud̶aped̶a ãrea sĩd̶aped̶a biud̶aka b̶ari bʉisid̶au. Ichiba uru b̶uad̶a joma juakaa adaud̶aped̶a wãsid̶au.

Lucas 9:22

Mau awara jarasii: —Mʉ, chi Ẽbẽra Ba B̶uad̶a ãrea biꞌiwãe b̶uai. Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ ida b̶ud̶aped̶a beabid̶ai. Maamina mʉ ewari õbead̶e chokae jiradui.

Lucas 9:51

Jesús ʉtaa wãi kaita bakarĩid̶e, biawãra Jerusalend̶aa wãi kʉ̃risiasii.