Judas 1:22 - Emberá Chamí

²² Chi ãbarã ãrea ijãawẽa nuree kĩra chuburiásturu.

Judas 1:22 Mawu Ofanana

2 Corintios 2:8

Maud̶eeba mʉʉba machimaa chi chuburia id̶iiruu machiba ichi kʉ̃ria panuu waya kuitaabid̶amera.

Gálatas 4:20

¡Mʉ ʉ̃raud̶aa machi baara b̶uad̶a basirã kuitaai basii saka berreai b̶uu! Mʉʉba biawãra adua b̶uu machi ʉ̃rʉbena saka kʉ̃risiai.

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.

Judas 1:21

Dachi Akõre kʉ̃riad̶eeba nibásturu. Dachi Mechiu Jesucristoba kĩra chuburia b̶uud̶eeba ewaricha chokae nibabiad̶ai esed̶au panásturu.

Judas 1:23

Chi tʉbʉchia kiikaud̶aa wãaduu karibásturu. Waabenarã kĩra chuburiásturu, maamina kauwa panásturu. Maarãba kachirua waubadau ida b̶ústuru.