Judas 1:16 - Emberá Chamí

¹⁶ Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

Judas 1:16 Mawu Ofanana

Lucas 15:2

Maud̶eeba fariseorãba, Moisesba b̶ʉd̶a jaradeabadaurã bid̶a ichi naka kachirua jarasid̶au: «Ichiba kachirua waubadaurã biꞌia irsibiped̶a maarã ome kobarii».

Lucas 19:7

Mau unud̶akare jomaurãba Jesús ʉ̃rʉbena naka kachirua berrea bara b̶eesii: «¡Jãu Jesús ẽbẽra kachirua waubarii ded̶e kãi b̶eed̶e wãsii!».

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?

Juan 6:41

Jesusba «mʉ chi pan bajãad̶ebena need̶a» asiid̶eeba, chi judiorã aria duanuurãba ichi ʉ̃rʉbena kachirua berreasid̶au.

Juan 6:61

Jesusba kuitaasii ichiba jaradead̶a ʉ̃rʉbena ãchi maka kachirua berrea panuu. Maud̶eeba jarasii: —Machimaarã, mʉʉba jaradead̶a ¿chaarea b̶uka?

1 Corintios 10:10

Kĩrajʉʉwẽa panuud̶eeba Dachi Akõre ʉ̃rʉbena kachirua berrearã́sturu waabenarã chi nureeba wauped̶aad̶a kĩra. Maud̶eeba chi ángel dachi kinibibariiba ãchi ãrea kinibiasii.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Filipenses 2:14

Waabenarã ʉ̃rʉbena kachirua berread̶awẽa maud̶e oa kachirua berread̶awẽa joma wáusturu.

1 Tesalonicenses 4:5

Nau kakuaba kachirua wau kʉ̃ria b̶uu waurã́sturu Dachi Akõre unud̶akaurãba waubadau kĩra.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Timoteo 4:3

Ewari ab̶a neeruud̶e ẽbẽrarãba biawãra bed̶ea ũri kʉ̃riad̶awẽa panad̶ai. Maumaarã ara ãchiba kʉ̃ria panuu maka waud̶ai. Maud̶eeba jaradeabadaurã ãrea jʉrʉd̶ai ãchiba ũri kʉ̃ria panuu jaradead̶amera.

1 Pedro 1:14

Warr ũribaba nii kĩra panásturu. Nau kakuaba kachirua wau kʉ̃ria b̶uu waa waurã́sturu Dachi Akõred̶e ijãad̶awẽa panasiid̶e waubachid̶au kĩra.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

2 Pedro 2:10

Chi nau kakuaba kachirua wau kʉ̃ria b̶uu waubadaurã maud̶e chi Dachi Akõre mʉ Mechiu ad̶ai kʉ̃riad̶akaurã aude kastikai. Setaa jaradeabadaurã kachirua waud̶ai baita perad̶akau. Ãrea kuitaa nuree kĩra panabadau. Jauri kachiruarã chi mechiu nuree ʉ̃rʉbena kachirua jarad̶ai baita wapead̶akau.

2 Pedro 2:18

Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.

2 Pedro 3:3

Nau ãrea kuitásturu: kaad̶ebena ewarid̶e Dachi Akõre atua jarabadaurã baraai. Ãchi kakuaba kachirua wau kʉ̃ria b̶uu wau panad̶ai.

Judas 1:18

Machimaa naka jarasid̶au: «Kaad̶earebena ewarid̶e baraai ẽbẽrarãba Dachi Akõremaa atua jarabadaurã maud̶e ãchi kakuaba waubii kʉ̃ria b̶uu wau panabadaurã».