Juan 6:51 - Emberá Chamí

⁵¹ Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 6:51 Mawu Ofanana

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Lucas 22:19

Maabae pan ichi juad̶e adauped̶a Dachi Akõremaa ichíturu kid̶ibai jarasii. Maabae chi pan b̶ʉaped̶a ãchimaa deaped̶a naka jarasii: —Nau mʉ kakuabʉ; machi kakua dearuu. Kósturu. Mʉ kĩrabad̶ai baita ara nau kĩra wau panásturu.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 11:26

Chi mʉʉd̶e ijãa nii, mʉ kakua chokae b̶uud̶eeba biukaraa nibai. ¿Bichiba mau ijãa b̶uka?

Juan 3:13

»Ab̶a bid̶a bajãad̶aa wãkau mau kuitaai baita. Ab̶aburu mʉ́turu, chi Ẽbẽra Ba B̶uad̶aba mau kuitaa b̶uu, bajãad̶ebena need̶ad̶eeba.

Juan 3:14

Moisesba drua sirua wãꞌãe b̶uud̶e dama bronce waud̶a ʉtʉ jira b̶ud̶a kĩra, mʉ, chi Ẽbẽra Ba B̶uad̶a ʉtʉ jirab̶ud̶ai,

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Juan 6:33

Mau Dachi Akõreba deabarii pan bajãad̶ebena need̶aba chi nau iujãad̶ebenarã chokae b̶uabiabarii.

Juan 6:35

Jesusba jarasii: —Mau Mʉʉbʉ. Mʉ chi chokae b̶uabibarii panbʉ. Maud̶eeba chi mʉʉmaa neeruu waa jarrbisia b̶uabai maud̶e chi mʉʉd̶e ijãa b̶uu waa obisia b̶uabai.

Juan 6:41

Jesusba «mʉ chi pan bajãad̶ebena need̶a» asiid̶eeba, chi judiorã aria duanuurãba ichi ʉ̃rʉbena kachirua berreasid̶au.

Juan 6:47

»Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Juan 6:48

Mʉ chi panbʉ, chi chokae b̶uabibarii.

Juan 6:50

Maamina barikiuba nau pan bajãad̶ebena need̶a kooruubʉrã biubai.

Juan 7:38

Dachi Akõre bed̶ead̶e jara b̶uu barikiuba mʉʉd̶e ijãaruubʉrã chokae b̶uai ichid̶ebena do kĩra waabenarãmaa eab̶ari wãi maarã bid̶a adaud̶amera.

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Efesios 5:25

Mukĩrarã wẽra bara nuree, machi wẽra kʉ̃riásturu, Cristoba dachi kʉ̃ria b̶uu unubid̶a kĩra. Kʉ̃riad̶eeba dachi baita ara ichi ida beabisii.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 10:20

Mau piezad̶e ed̶a paru eab̶ari jirab̶u kõawãaruu kĩra Jesús biusiid̶eeba o wid̶i wausii, chi Dachi Akõre kaita needuurã chokae nuread̶amera.

1 Pedro 2:4

Dachi Mechiu Jesucristomaa nésturu. Ichi chokae b̶uu, de waui baitabena mo kĩra b̶uu. Ẽbẽrarãba ichi ida b̶usid̶au, maamina Dachi Akõreba mo bia maud̶e chi mau nejarr ãrea id̶ibadau jʉrʉ adausii.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.

1 Juan 4:10

Chi biawãra kʉ̃ria naka b̶uu: chi kʉ̃riad̶eeba Dachi Akõreba ichi Warr bʉisii biumera dachi kachirua perdonai baita. Dachi Akõreba maka waubasii dachiba ichi kʉ̃ria panasiid̶eeba, maumaarã maka wausii ichiba dachi kʉ̃riasiid̶eeba.

1 Juan 4:14

Daiba ichi Warr unusid̶aud̶eeba jara panuu Dachi Bajãad̶ebena Akõreba mau biawãra bʉisii nau iujãad̶ebenarã karibamera.