Hechos 7:49 - Emberá Chamí

⁴⁹ “Dachi Mechiu naka jarasii: Mʉ rey ãkau bajãabʉ. Nau iujãa mʉ jʉ̃rʉ b̶ubariibʉ. Machiba ¿kãare de mʉ baita waud̶aima? ¿Sama mʉ kʉrrjĩrubid̶aima?

Hechos 7:49 Mawu Ofanana

Mateo 23:22

Mau awara ab̶auba bajãa trʉ̃d̶eeba biawãra ne waui a jaraaruubʉrã, Dachi Akõre rey ãkau trʉ̃d̶eeba maka waui a jara b̶uu maud̶e Dachi Akõre aria akʉ b̶uu trʉ̃d̶eeba biawãra ne waui a jara b̶uu.

Mateo 24:2

Maud̶e Jesusba ãchimaa jarasii: —Maerã, machiba unu panuu biꞌia kub̶uu. Maamina biawãra mʉʉba jaraaruu: nau mo kaped̶aad̶a joma ãrid̶ai.

Juan 4:21

Jesusba panausii: —Mʉʉba jara b̶uu ijãase. Ewari ab̶a neeruud̶e machiba biawãra Dachi Akõremaa biꞌia berread̶ai. Maamina maka waud̶aabai nau ead̶e maebʉrã Jerusalend̶e bid̶a.

Apocalipsis 3:21

Mʉʉba chi kachirua waui poyaasiid̶eeba Dachi Akõre baara ichi rey ãkaud̶e akʉ b̶eesii. Ara mau kĩra chi kachirua waui poyaaped̶aad̶a mʉ baara mʉ rey ãkaud̶e akʉ b̶eebiai.