Hechos 6:11 - Emberá Chamí

¹¹ Maud̶eeba ãchiba waabenarã ẽbẽrarãmaa chi nejarra deasid̶au naka setaa waud̶amera: «Daiba ũrisid̶au jãu ẽbẽraba Moisés ʉ̃rʉbena maud̶e Dachi Akõre ʉ̃rʉbena kachirua berrea b̶uu».

Hechos 6:11 Mawu Ofanana

Juan 1:17

Dachi Akõreba naed̶e Moisesba b̶ʉd̶a deasii, maamina Jesucristod̶eeba dachimaa kuitaabiasii ichi biawãra saka nii maud̶e ichi sõbiad̶eeba dachi ãrea kariba b̶uu.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 9:29

Daiba kuitaa panuu Dachi Akõreba Moisesmaa berreasii, maamina mau ẽbẽra samabena adua panuu.

Hechos 15:21

Maka waud̶aabai panuu dachi nabẽraed̶ebena ewarid̶e Moisesba b̶ʉd̶a puurucha jaradeabadaud̶eeba. Bari panabadau ewaricha mau Moisesba b̶ʉd̶a dachi judiorã araa ãbua imibadau decha jĩwa ed̶a jarabadau.

Hechos 18:6

Maamina ichiba jara b̶uu ãchiba ida b̶usid̶au. Maud̶e ichi ʉ̃rʉbena kachirua berreabachid̶au. Maud̶eeba Pabloba chi paru jʉ̃ b̶uu neapesii, chi ãchiba wauped̶aad̶a ichiba mau kʉ̃riawẽa b̶uu unubiai baita. Naka jarasii: —Machiba mau bed̶ea ijãad̶awẽebʉrã, mʉ kakuawãe. Chi mʉʉba machi baita waui b̶uad̶a, mau joma wausii. Jãabae nau tõpe mʉ judiowãerãmaa wãi.

Hechos 21:28

Maud̶e jĩwa jara panasid̶au: «¡Israeld̶ebenarã, dai aid̶ásturu! Nau ẽbẽraba druacha jaradea b̶uu dachi israeld̶ebenarã, Moisesba b̶ʉd̶a maud̶e Dachi Akõre de mechiu sid̶a kachirua b̶eei. ¡Mau awara griegorã Dachi Akõre de mechiu ed̶a adoesii! ¡Ichiba nau de ab̶aburu Dachi Akõre baita b̶uu kachirua b̶eebisii!»

Hechos 25:3

Chi chuburia id̶isid̶au Pablo Jerusalend̶aa adoebimera. Maka jarasid̶au Pablo od̶e bead̶ai kʉ̃risia panuud̶eeba.

Hechos 25:7

Pablo adoesid̶aud̶e judiorã Jerusalend̶ebena neeped̶aad̶aba ichi ad̶u jũrasid̶au. Maud̶e ichi jideasid̶au maamina poyaa kuitaabiad̶aabasii chi ãchiba jara panuu biawãra b̶uu.

Hechos 26:11

Judiorã araa ãbua imibadau decha mʉʉba ãchi biꞌiwãe panabiabachii. B̶es ãrea ãchimaa Jesús ʉ̃rʉbena kachirua berreabiasii. Mʉʉba maarã joma kĩramaa b̶uasiid̶eeba ãibena druad̶ebena puurud̶e bid̶a jʉrʉ nibabachii.

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Hechos 6:12

Maka ãchiba puurud̶ebenarã, judiorã chi chõrarã maud̶e chi Moisesba b̶ʉd̶a jaradeabadaurã kĩrubikasid̶au. Maud̶eeba Esteban jidaud̶aped̶a chi ẽbẽrarã araa ãbua imibiabadaurã duanuumaa adoesid̶au.

Hechos 6:13

Maud̶e waabenarã ẽbẽrarã araa adoesid̶au setaa jarad̶amera. Maarãba naka jarasid̶au: «Jãu ẽbẽraba Dachi Akõre de mechiu biꞌia b̶uu ʉ̃rʉbena maud̶e chi Moisesba b̶ʉd̶a ʉ̃rʉbena kachirua berrea b̶uabarii.

Romanos 3:8

Makarã ¿dachiba kachirua waud̶ai panuka ẽbẽrarãba Dachi Akõremaa biꞌia berread̶amera? Chi nureerãba ãchi kʉ̃risia kachiruad̶eeba jarabadau daiba maka jaradea panuu. Chi maka jara nuree Dachi Akõreba biawãra nebʉra barau ai.

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.