Hechos 5:35 - Emberá Chamí

³⁵ Maabae chi mechiurãmaa jarasii: —Israeld̶ebena ẽbẽrarã, machiba mau ẽbẽrarã saka waud̶ai ʉ̃rʉbena ãrea kʉ̃risiásturu.

Hechos 5:35 Mawu Ofanana

Mateo 27:19

Pilato ẽbẽrarã jibarii ãkaud̶e akʉ b̶uud̶e chi wẽraba nau bed̶ea ichimaa jarabʉisii: «Jãu ẽbẽra jipa nii enata bʉise. Id̶i jãu ʉ̃rʉbena kamokaraasiid̶eeba mʉ ãrea wapea b̶uu».

Hechos 19:36

Ab̶au bid̶a mau poyaa setaad̶e ad̶aabai. Maud̶eeba chũpea panad̶ai panuu. Ne waud̶ai naed̶e ãrea kʉ̃risiad̶ai panuu.

Hechos 22:26

Mau ũrisiid̶e kokoroa chi aude mechiumaa wãped̶a jarasii: —¿Bichiba kuitaa b̶uka kãare wauruu? Jãu ẽbẽra romad̶ebenabʉ.

Hechos 5:34

Aria fariseo Gamaliel abadau b̶uasii. Mau Gamaliel judiorã Moisesba b̶ʉd̶a jaradeabarii chi mechiu basii. Jomaurãba ichi ãrea wapea panasid̶au. Gamaliel jiraduped̶a Jesusba bʉid̶arã awara wãbiad̶ausii.

Hechos 5:36

Kĩrabásturu ãrea kãꞌãabariwãed̶e chi mukĩra Teudas abadau ichi jomaurã audeara mechiu nibai kʉ̃risiasii. Mau baara 400 mukĩrarã panasid̶au. Maamina mau mukĩra beasid̶aud̶e chi baara nibaped̶aad̶a aꞌawaraa wãurisid̶au. Maabae joma ichiba waui kʉ̃risia b̶uad̶a wãꞌãesii.