Hechos 5:30 - Emberá Chamí

³⁰ Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

Hechos 5:30 Mawu Ofanana

Lucas 1:72

Maka waui dachi nabẽraed̶ebenarãmaa kĩra chuburiai ad̶ad̶eeba maud̶e ãchi ome bed̶ea dead̶a joma waui ad̶ad̶eeba.

Hechos 10:39

Judiorã druad̶e maud̶e Jerusalén puurud̶e Jesusba waud̶a daiba joma unusid̶au. Ichiba ne bia wausmina judiorãba cruzd̶e jirab̶u beasid̶au.

Hechos 2:32

»Davidba jarad̶a kĩra Dachi Akõreba Jesús biu b̶uad̶a chokae jiradubisii. Joma daiba mau unusid̶au.

Hechos 22:14

Maabae Ananiasba jarasii: “Dachi Akõre dachi nabẽraed̶ebena ome b̶uad̶aba bichi adoesii ichiba kʉ̃ria b̶uu kuitaamera, chi Jipa nii unumera maud̶e ichi berrearuu ũrimera.

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.