Hechos 28:8 - Emberá Chamí

⁸ Maka panuud̶e Publio akõre ãmi che b̶uud̶eeba maud̶e kʉa b̶uud̶eeba kʉd̶ad̶e b̶uasii. Maud̶e Pabloba mau ichiad̶e wãsii. Dachi Akõremaa ʉtaa id̶iped̶a ichi jua ʉ̃rʉ kub̶uped̶a aribiabisii.

Hechos 28:8 Mawu Ofanana

Mateo 10:1

Jesusba ichi baara nibabadaurã 12 ãbua iukuasii. Maabae ãchimaa chi poyaabarii dead̶akasii jai kachiruarã ichi trʉ̃d̶eeba duabʉikad̶amera, kakua kachirua nuree maud̶e kakua puꞌua nuree aribiabiad̶amera.

Mateo 10:8

Maud̶eeba ẽpermo nuree aribiabiásturu, biuped̶aad̶a chokae jiradubiásturu, kakua chau nuree aribiabiásturu, jai kachirua awara duabʉ́isturu. Maka waud̶amera mʉʉba machimaa chi poyaabarii bari dearuu. Maud̶eeba ẽbẽrarã bari karibásturu.

Mateo 12:13

Maabae chi jua bʉʉ niimaa jarasii: —Bichi jua jiwaase. Maabae ichi jua jiwaasii. Maud̶e chi jua biꞌia did̶isii chi ab̶abena jua kĩra.

Mateo 9:18

Jesusba maka jaradeamaa b̶uud̶e judiorã chi karr mechiu neesii. Mau ẽbẽra Jesús daad̶e õdarrd̶e kob̶eeped̶a jarasii: —Mʉ kau ara ʉ̃ra biusii. Maamina bichi wãaruubʉrã maud̶e bichi jua jãu ʉ̃rʉ kub̶uuruubʉrã waya chokae nibabii.

Marcos 16:18

Ãchi juaba dama jidaud̶ai. Nearãa dooduubʉrã mauba kachirua waubai. Maud̶e chi ẽpermo nuree ʉ̃rʉ ãchi jua kub̶uuduud̶e aribiabiad̶ai».

Marcos 5:23

naka chi chuburia id̶isii: —Mʉ kau biumaa b̶uu. Bichi jua ichi ʉ̃rʉ kub̶ud̶e neese aribiamera.

Marcos 6:5

Aria Jesusba ẽbẽrarãba ne poyaa waud̶akau poyaa waubasii. Ẽbẽrarã ẽpermo nuree b̶aꞌãra aribiabiasii ichi juaba wausiid̶e.

Marcos 7:32

Aria ẽbẽrarãba kʉʉrʉ kiape nii Jesusmaa adoesid̶au. Mau ẽbẽra bosara b̶uasii. Ãchiba Jesusmaa chi chuburia id̶isid̶au ichi jua mau ẽbẽra ʉ̃rʉ kub̶uped̶a aribiabimera.

Lucas 13:13

Maka jaraped̶a Jesusba ichi jua ʉ̃rʉ kub̶usii. Ara makʉd̶e chi wẽra jipa akʉ nub̶eeped̶a Dachi Akõremaa biꞌia jarasii.

Lucas 4:40

Kiuruud̶e ãrea barikiu ẽpermo nuree Jesusmaa adoesid̶au. Jesusba ichi jua maarã ʉ̃rʉ kub̶uped̶a aribiabiasii.

Hechos 28:7

Mau islad̶e chi mechiu Publio abachid̶au. Mau Publioba dai panuu kaita drua uru b̶uasii. Mauba dai ichi ded̶e ewari õbea ãrea biꞌia irsibisii.

Hechos 28:9

Maud̶eeba waabenarã ẽpermo nuree neeped̶aad̶a Pabloba aribiabiasii.

Hechos 9:40

Maud̶e Pedroba joma awara wãbiasii. Õdarrd̶e kob̶eeped̶a Dachi Akõremaa ʉtaa id̶isii Dorcas chokae jiradubimera. Ʉtaa id̶iped̶a chi biud̶a nub̶uumaa ichiaruud̶e jarasii: —Tabita, ¡jiraduse! Ara makʉd̶e mau chi dau bũasii. Pedro unusiid̶e akʉ b̶eesii.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

1 Corintios 12:9

Dachi Akõre Jauri ara ab̶a niiba chi nureemaa dea b̶uu poyaa ãrea ijãa panad̶amera. Maud̶e Dachi Akõre Jauri ara ab̶a niiba chi nureemaa dea b̶uu ẽpermo nuree poyaa aribiabiad̶amera.