Hechos 28:30 - Emberá Chamí

³⁰ Mau maad̶akare Pablo año ome Romad̶e b̶uasii. Chi de chibarimaa chi nejarra deabachii aria b̶uai baita. Chi ichi ichiad̶e wãaduu joma biꞌia irsibibachii.

Hechos 28:30 Mawu Ofanana

Juan 1:39

Jesusba panausii: —Ichiad̶e nésturu. Wãsid̶aud̶e unusid̶au sama kãi b̶uasii. Mau ewarid̶e ichi baara paneesid̶au kewaraa ba b̶uasiid̶eeba.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 24:27

Maka b̶uu año ome wãyaasii. Mau maad̶akare Félix neei bad̶a june neesii chi mechiu b̶uai baita. Mau Porcio Festo abadau. Maamina mauba judiorã ome biꞌia b̶uai kʉ̃ria b̶uasiid̶eeba, Pablo jʉ̃a b̶ʉisii.

Hechos 28:16

Roma puurud̶e neesid̶aud̶e chi jʉ̃a duanuu kokoroarã jaradea ua b̶uabarii juad̶e duanusii. Ichiba Pablo du ab̶a ichi ded̶e ida b̶eebisii. Kokoroa ab̶a b̶usii ichi nu b̶uamera.

Hechos 28:29

Pabloba maka jarasiid̶e judiorã ãchi du ab̶a kĩru berrea panuu ãyaa wãurisid̶au.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Romanos 15:32

Maka Dachi Akõreba kʉ̃riaruubʉrã, mʉ machimaa kĩrajʉʉ wãi maud̶e machi tãed̶e biꞌia kʉrrjĩru b̶uai.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 6:5

Soaba pe panuud̶e, jʉ̃a uru panuud̶e maud̶e dai kakua kĩrubika panuud̶e maka unubia panuu. Ãrea traja panuud̶e, kãi b̶eed̶awẽa panuud̶e maud̶e jarrbisia panuud̶e maka unubia panuu.

Filipenses 1:13

Romad̶ebena jaradea ua b̶uabarii de nubadau kokoroarãba maud̶e waabenarãba kuitaa panuu mʉ Cristo kakua jʉ̃a b̶uu.

2 Timoteo 1:17

Maumaarã Roma puurud̶e neeped̶a mʉ jʉrʉ b̶uaped̶a unusii.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.