Hechos 25:5 - Emberá Chamí

⁵ Maud̶eeba machi chi mechiu nuree mʉ ome Cesarea puurud̶aa wãd̶ai panuu. Mau ẽbẽraba barikia kachirua waud̶a basirã, ariaburu machiba jarad̶ai panuu.

Hechos 25:5 Mawu Ofanana

Hechos 18:14

Pablo berrearuu basiid̶e, Galionba judiorãmaa jarasii: —Nau ẽbẽraba kachirua waud̶a basirã maebʉrã kachirua mechiu waud̶a basirã mʉʉba machi bed̶ea ũrikausii.

Hechos 23:30

Mau maad̶akare mʉʉba kuitaasii judiorã bed̶ea deasid̶au ichi bead̶ai baita. Ara makʉd̶e ichi bichimaa bʉisii. Maud̶e mʉʉba ãchimaa jarasii jãu jidea kʉ̃ria panuubʉrã bichi daad̶e jarad̶e wãd̶ai panuu. Biꞌia b̶uase.

Hechos 24:8

Mau awara jarasii chi mau ẽbẽra jidea panuu bichimaa need̶ai panuu.] Bichiba ichimaa ãrea id̶iiruu kuitaai joma daiba jara panuu biawãra b̶uu.

Hechos 25:16

Mʉʉba ãchimaa jarasii ab̶a bid̶a chi ichi jidea nuree daad̶e ara ichi kakua poyaa berreawẽebʉrã, romad̶ebenarãba ichi waabena juad̶e dead̶akau.

Hechos 25:25

Maamina mʉʉmaarã ne ab̶a bid̶a kachirua wauwẽa b̶uu jãu bead̶ai baita. Maud̶e ichiba id̶isii Romad̶ebena chi aude mechiuba ichi nebʉra ichiamera. Maud̶eeba mʉʉba jãu Romad̶aa bʉii baita b̶uu.

Hechos 25:4

Maamina Festoba panausii: —Pablo Cesarea puurud̶e jʉ̃a b̶uu. Mʉ kãꞌãabariwãed̶e araa wãi.

Hechos 25:6

Festo Jerusalend̶e 8 maebʉrã 10 ewari b̶uasii. Maabae Cesarea puurud̶aa wãsii. Norema chi juez ded̶e akʉ b̶eeped̶a Pablo adoebisii.