Hechos 24:17 - Emberá Chamí

¹⁷ »Mʉ Jerusalend̶ebena ãyaa wãd̶a año ãrea bad̶akare, waya araa neesii, chi mʉ puurud̶ebenarã chi nejarr barauwãe nureemaa chi nejarra deai baita maud̶e Dachi Akõremaa ãnimara baa deai baita.

Hechos 24:17 Mawu Ofanana

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 21:26

Norema Pabloba mau ẽbẽrarã ichi baara adoeped̶a, ne wausid̶au Dachi Akõre daad̶e biꞌia nuread̶ai baita. Maud̶e Dachi Akõre de mechiud̶aa wãd̶aped̶a jarasid̶au sãu ewarid̶e Dachi Akõre daad̶e biꞌia panad̶ai. Mau ewarid̶e ãchicha Dachi Akõremaa ãnimara baa dead̶ai panasid̶au.

Hechos 24:26

Felixba kʉ̃risia b̶uasii Pabloba ichimaa chi nejarra deai ewa bʉimera. Maud̶eeba akabichia Pablo iubachii mau ome berreai baita.

Romanos 15:31

Ichimaa ʉtaa id̶ísturu Judea druad̶ebena Jesusd̶e ijãad̶akaurãba mʉ kachirua waurãad̶amera. Maud̶e ʉtaa id̶ísturu mʉʉba chi nejarra ẽbẽrarã Dachi Akõred̶erã Jerusalend̶ebenarã baita adoeruu biꞌia adaud̶amera.

2 Corintios 8:6

Maud̶eeba daiba Titomaa chi chuburia id̶isid̶au machimaa jarad̶e wãmera joma machiba sõbiad̶eeba dead̶ai aped̶aad̶a biawãra ped̶ai baita.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

2 Corintios 9:12

Machiba chi nejarra deaduuba ab̶aburu aid̶ad̶aabai ãbarã barauwãe panuuba uru panad̶amera, maumaarã mau kakua ãchiba Dachi Akõremaa ãrea ichíturu kid̶ibai a panad̶ai.

Gálatas 2:10

Ab̶aburu daimaa jarasid̶au ãbarã chi nejarr barauwãe nuree aid̶ad̶amera. Mau mʉʉmaarã ãrea biꞌia b̶uasii maka wau kʉ̃ria b̶uasiid̶eeba.