Hechos 22:5 - Emberá Chamí

⁵ Mau chi paare mechiuba maud̶e joma judio mechiurãba kuitaa panuu. Ãchiba mʉʉmaa karta deasid̶au judiorã Damasco puurud̶ebenarãba mʉʉba chi O Wid̶i ijãabadaurã jidaui b̶uu mau kuitaad̶amera. Maud̶e mʉ Damasco puurud̶aa wãsii ãchi nama Jerusalend̶aa eneeped̶a chi mechiurãba kastikad̶amera.

Hechos 22:5 Mawu Ofanana

Lucas 22:66

Ewarimaa puurud̶ebena chi mechiurã ãbua duanasid̶au. Paare mechiurã maud̶e Moisesba b̶ʉd̶a jaradeabadaurã duanasid̶au. Maabae Jesús ãchi daad̶e eneebisid̶au. Ichimaa naka jarasid̶au:

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 13:26

»Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Hechos 2:29

»Mʉ ãbarã judiorã, mʉʉba arakʉd̶e jaraaruu: dachi nabẽraed̶ebena David biusiid̶e mau jau b̶usid̶au. Chi jau b̶ubadau dachiba wabid̶a unubadau.

Hechos 22:1

Pabloba jarasii: «Ãbarã maud̶e chõrarã, ũrísturu. Ara mʉ ʉ̃rʉbena jaraaruu».

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Hechos 23:6

Maka b̶uud̶e Pabloba kuitaasii chi mechiurã waabenarã saduceorã, waabenarã fariseorã. Maud̶eeba ãchimaa jĩwa jarasii: —Ãbarã, mʉ fariseobʉ. Mʉ nabẽraed̶ebenarã fariseorã basii. Maud̶eeba ijãa b̶uu biud̶arã chokae jiradud̶ai. Maud̶eeba waabenarãba mʉ kastika kʉ̃ria panuu.

Hechos 26:10

Mʉʉba Jerusalend̶e biawãra maka wausii. Paare mechiurãba ãchi trʉ̃d̶eeba mʉʉmaa ida Jesusd̶e ijãabadaurã ãrea jʉ̃a b̶ubisid̶au. Maud̶e mau ẽbẽrarã beabisid̶aud̶e mʉa bid̶a biꞌia b̶uu asii.

Hechos 26:11

Judiorã araa ãbua imibadau decha mʉʉba ãchi biꞌiwãe panabiabachii. B̶es ãrea ãchimaa Jesús ʉ̃rʉbena kachirua berreabiasii. Mʉʉba maarã joma kĩramaa b̶uasiid̶eeba ãibena druad̶ebena puurud̶e bid̶a jʉrʉ nibabachii.

Hechos 26:12

»Ewari ab̶a paare mechiurãba mʉ Damasco puurud̶aa bʉisid̶au ãchi trʉ̃d̶eeba Jesusd̶e ijãabadaurã jidaud̶akad̶amera.

Hechos 28:17

Ewari õbea basiid̶e Pabloba Romad̶ebena judiorã chi mechiurã iubiasii. Joma imisid̶aud̶e Pabloba jarasii: —Ãbarã, mʉ ab̶au bid̶a dachi judiorãmaa biꞌiwãe wau b̶uasmina, maud̶e dachi nabẽraed̶ebenarãba waubadau kachirua berreawẽa b̶uasmina, mʉ Jerusalend̶e jʉ̃a b̶ud̶aped̶a, maabae romad̶ebenarã juad̶e b̶usid̶au.

Hechos 28:21

Maud̶e ãchiba jarasid̶au: —Judead̶ebenarãba daimaa bichi ʉ̃rʉbena karta urubʉid̶awẽa panuu. Dachi ãbarã judiorã ab̶au bid̶a jãmauba neewẽa b̶uu, bichi ʉ̃rʉbena kachirua berreai baita.

Hechos 3:17

»Mʉ ãbarã judiorã, mʉʉba kuitaa b̶uu machiba maud̶e machi karrarãba Jesús beabisid̶au ichi Dachi Akõreba deai jarad̶a dachi karibabarii adua panasiid̶eeba.

Hechos 4:5

Norema judiorã karrarã, chi chõrarã maud̶e chi Moisesba b̶ʉd̶a jaradeabadaurã Jerusalend̶e araa ãbua imi nub̶uasii.

Hechos 5:21

Maka ũrid̶aped̶a norema daped̶e maarã Dachi Akõre de mechiud̶e ed̶a wãsid̶au maabae jaradea kopaneesid̶au. Maumisa mau paare mechiuba maud̶e ichi baara panad̶aba iud̶e bʉisid̶au joma chi Israeld̶ebenarã chõrarã araa ãbua imid̶amera maud̶e berread̶amera. Maabae chi Jesusba bʉid̶arã chi ẽbẽra jʉ̃abadaumarebena adaubiasid̶au.

Hechos 9:14

Mau awara paare mechiurã trʉ̃d̶eeba nau puurud̶aa nee b̶uu chi bichid̶e ijãa nuree joma jidau uad̶oi baita.

Gálatas 1:13

Machiba ũrisid̶au mʉ saka nibasii judiorãba jaradeabadau joma wau b̶uasiid̶e. Machiba kuitaa panuu mʉʉba ẽbẽrarã Dachi Akõred̶erã ãrea kachirua waubachii. Joma perdonai kʉ̃ria b̶uasii.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.