Hechos 22:27 - Emberá Chamí

²⁷ Maabae kokoroa chi aude mechiuba Pablomaa wãped̶a id̶isii: —¿Biawãra bichi romad̶ebenaka? Pabloba panausii: —Maerã, mʉ romad̶ebenabʉ.

Hechos 22:27 Mawu Ofanana

Juan 18:12

Maabae Romad̶ebena kokoroarãba, ara ãchi mechiu maud̶e chi Dachi Akõre de nubadaurãba Jesús jidaud̶aped̶a jua jʉ̃sid̶au.

Hechos 22:25

Maamina ichi pebebad̶ai baita jʉ̃ʉduud̶e Pabloba kokoroarã jaradea ua b̶uabarii aria b̶uumaa jarasii: —¿Machiba Romad̶ebena ab̶a pebebad̶ai panuka ichi nebʉra ichiad̶ai naed̶e?

Hechos 22:26

Mau ũrisiid̶e kokoroa chi aude mechiumaa wãped̶a jarasii: —¿Bichiba kuitaa b̶uka kãare wauruu? Jãu ẽbẽra romad̶ebenabʉ.

Hechos 22:28

Kokoroarã chi aude mechiuba jarasii: —Mʉʉba chi nejarra ãrea deasii Romad̶ebena bai baita. Pabloba jarasii: —Mʉ danaba mʉ adausiid̶eed̶ebena romad̶ebenabʉ.