Hechos 22:1 - Emberá Chamí

¹ Pabloba jarasii: «Ãbarã maud̶e chõrarã, ũrísturu. Ara mʉ ʉ̃rʉbena jaraaruu».

Hechos 22:1 Mawu Ofanana

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.

Lucas 21:14

Maamina kʉ̃risiarã́sturu mau ewarid̶e chi jaradea ua b̶uabadaurãmaa kãare jarad̶ai machi nebʉraswãe nuree kuitaabiad̶ai baita.

Hechos 13:26

»Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Hechos 19:33

Maka panuud̶e judiorãba Alejandro jʉrʉ adausid̶au ichiba kãare jarai b̶uu a jarad̶ai baita. Maabae chi puuru daad̶e wãbisid̶au, ãchimaa berreamera. Maud̶e Alejandroba juaba chũpeabiasii ichi nebʉra ʉ̃rʉbena arakʉd̶e berreai kʉ̃ria b̶uasiid̶eeba.

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Hechos 23:6

Maka b̶uud̶e Pabloba kuitaasii chi mechiurã waabenarã saduceorã, waabenarã fariseorã. Maud̶eeba ãchimaa jĩwa jarasii: —Ãbarã, mʉ fariseobʉ. Mʉ nabẽraed̶ebenarã fariseorã basii. Maud̶eeba ijãa b̶uu biud̶arã chokae jiradud̶ai. Maud̶eeba waabenarãba mʉ kastika kʉ̃ria panuu.

Hechos 24:10

Maabae chi mechiuba juaba Pablomaa jarasii berreamera. Ara makʉd̶e Pabloba jarasii: —Mʉʉba kuitaa b̶uu bichi año ãrea nau druad̶ebena juez nii. Maud̶eeba mʉ ara mʉ ʉ̃rʉbena kĩrajʉʉ berrearuu.

Hechos 25:16

Mʉʉba ãchimaa jarasii ab̶a bid̶a chi ichi jidea nuree daad̶e ara ichi kakua poyaa berreawẽebʉrã, romad̶ebenarãba ichi waabena juad̶e dead̶akau.

Hechos 25:8

Maud̶e Pabloba panausii: —Mʉʉba ab̶a bid̶a kachirua wauwẽa b̶uu. Moisesba b̶ʉd̶a ida b̶uwẽa b̶uu, Dachi Akõre de mechiu kachiruabiwẽa b̶uu maud̶e Romad̶ebena chi aude mechiu nii sid̶a ida b̶uwẽa b̶uu.

Hechos 26:24

Pabloba wabid̶a mau jaramaa b̶uud̶e, Festo kĩru berreasii: —Pablo, bichi kĩranema b̶uu, karta ãrea kuitaasiid̶eeba.

Hechos 28:17

Ewari õbea basiid̶e Pabloba Romad̶ebena judiorã chi mechiurã iubiasii. Joma imisid̶aud̶e Pabloba jarasii: —Ãbarã, mʉ ab̶au bid̶a dachi judiorãmaa biꞌiwãe wau b̶uasmina, maud̶e dachi nabẽraed̶ebenarãba waubadau kachirua berreawẽa b̶uasmina, mʉ Jerusalend̶e jʉ̃a b̶ud̶aped̶a, maabae romad̶ebenarã juad̶e b̶usid̶au.

Hechos 7:2

Estebanba naka panausii: —Mʉ ãbarã judiorã, mʉ jaradea ua b̶uabadaurã, michuburia mʉ bed̶ea ũrísturu. Dachi nabẽraed̶ebena Abraham wabid̶a Mesopotamia druad̶e b̶uasiid̶e Harán puurud̶e b̶uad̶e wãi naed̶e Dachi Akõre chi Biꞌia nii ichimaa neesii.

Romanos 2:15

Ara ãchiba wau panuud̶eeba unubia panuu mau Moisesba b̶ʉd̶ad̶e jara b̶uu sõd̶eeba kuitaa panuu. Ãchi kʉ̃risiad̶e kuitaa panuu biꞌia wauduud̶e jirukaraayuwãe panabadau. Maumaarã kachirua wauduud̶e, kĩra nomaa panabadau.

1 Corintios 9:3

Chi mʉ ʉ̃rʉbena kachirua jarabadaurãmaa mʉʉba naka id̶iiruu:

2 Corintios 12:19

¿Machimaarã daiba maka jara panuka dai ʉ̃rʉbena kachirua kʉ̃risiarãad̶amera? Makawãema. Ãbarã, dai Cristod̶erãd̶eeba Dachi Akõre daad̶e joma mau jara panuu machiba biꞌia ijãad̶amera.

2 Corintios 7:11

Dachi Akõreba kʉ̃ria b̶uu kĩra machi kĩra nomaasid̶aud̶eeba mau kĩra nomaaba machimaa jipa kʉ̃risiabiaped̶a jipa waubiasii. Maud̶eeba machiba jipa wau panuu jomaurãmaa kuitaabiai kʉ̃ria panuu. Ãbaba kachirua waud̶a kakua machi kĩrusid̶au maud̶e Dachi Akõreba kastikai bad̶a wapeasid̶au. Maud̶eeba chi kachirua waud̶a ẽbẽra kastikad̶aped̶a ãyaa bʉisid̶au. Nejomad̶eeba machiba unubisid̶au mau kachirua waud̶a kakua nebʉraswãe panuu.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

2 Timoteo 4:16

Ara michi baita chi juez daad̶e berreasiid̶e ab̶au bid̶a mʉ kakua berreabasii, mʉ aid̶ai baita. Maumaarã jomaurãba mʉ ida b̶usid̶au. Mʉʉba kʉ̃riawẽe mau ʉ̃rʉbena Dachi Akõre daad̶e maarã nebʉra baraa panuu ayu.

1 Pedro 3:15

Cristo machi Mechiud̶eeba, sõd̶eeba mau wapeásturu. Chi Cristod̶e adaud̶ai baita esed̶au panuud̶eeba mau ʉ̃rʉbena berread̶ayu panásturu. Maka ab̶auba id̶iiruubʉrã, poyaa ijarra berread̶awẽa arakʉd̶e panaud̶ai.