Hechos 21:30 - Emberá Chamí

³⁰ Maud̶e joma Jerusalend̶ebenarã kĩrud̶aped̶a pira wãurisid̶au. Pablo jidaud̶aped̶a Dachi Akõre de mechiu dud̶a jeed̶a erta adoesid̶au. Maabae chi poraa joma jʉ̃akuasid̶au.

Hechos 21:30 Mawu Ofanana

Mateo 2:3

Herodesba mau bed̶ea ũrisiid̶e kĩra kachiruasii, ichíturu judiorã rey basiid̶eeba. Herodesba kãare waui adua panuud̶eeba, Jerusalend̶ebenarã joma kĩra kachirua paneesid̶au.

Mateo 21:10

Jesús Jerusalend̶e neesiid̶e, puurud̶ebenarã joma b̶iuka bara b̶eesii. Naka id̶ibachid̶au: —Jãu ¿kaima?

Lucas 4:29

Ara makʉd̶e Jesús puuru awara chĩata adoed̶aped̶a mau puuru ea ʉ̃rʉd̶aa adoesid̶au, ed̶aa jiratad̶ai baita.

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Hechos 26:21

Maud̶eeba judiorãba mʉ Dachi Akõre de mechiud̶e jidaud̶aped̶a bead̶ai kʉ̃riasid̶au.

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.