Hechos 21:24 - Emberá Chamí

²⁴ Mau ãbarã Dachi Akõre de mechiud̶aa adoese. Aria Dachi Akõre daad̶e biꞌia nuread̶ai baita wáusturu. Ãchiba Dachi Akõremaa dead̶ai panuu bichiaburu dease. Makarã ãchi poyaa boro metad̶ai kuitaabiad̶ai baita ãchiba ne waud̶ai jaraped̶aad̶a joma wausid̶au. Mauba jomaurãba kuitaad̶ai chi bichi ʉ̃rʉbena jara panuu seta b̶uu maud̶e kuitaad̶ai bichi biawãra jipa nibabarii Moisesba b̶ʉd̶ad̶e jara b̶uu kĩra.

Hechos 21:24 Mawu Ofanana

Juan 11:55

Judiorã Pascua ewari ʉ̃rʉ ba b̶uasii. Mau bari panabadau ewarid̶eeba puuruchad̶ebenarã Jerusalend̶aa wãsid̶au ãchiba waubadau kĩra wau panuud̶eeba Dachi Akõre daad̶e biꞌia nuread̶ai baita.

Juan 3:25

Mau ewarid̶e waabenarã Juan baara nibabadaurã ab̶a judio ome kĩru berreasid̶au ne jeraabadau ʉ̃rʉbena, Dachi Akõre daad̶e biꞌia nuread̶ai baita.

Hechos 18:18

Pablo Corintod̶e ewari ãrea b̶eesii. Maabae chi ãbarãmaa wãaruu aped̶a, Siria druad̶aa wãsii Priscila maud̶e Aquila baara. Jãbad̶e ataui naed̶e Cencrea puurud̶e Pabloba ichi boro metabisii. Mau wausii unubiyua chi Dachi Akõremaa waui a jarad̶a ichiba mau joma waud̶a.

Hechos 21:26

Norema Pabloba mau ẽbẽrarã ichi baara adoeped̶a, ne wausid̶au Dachi Akõre daad̶e biꞌia nuread̶ai baita. Maud̶e Dachi Akõre de mechiud̶aa wãd̶aped̶a jarasid̶au sãu ewarid̶e Dachi Akõre daad̶e biꞌia panad̶ai. Mau ewarid̶e ãchicha Dachi Akõremaa ãnimara baa dead̶ai panasid̶au.

Hechos 24:18

Maka b̶uud̶e chi Dachi Akõre daad̶e biꞌia panad̶ai baita mʉʉba joma wausiid̶e, Dachi Akõre de mechiud̶e chi Asiad̶ebena judiorãba mʉ unusid̶au. Maamina ẽbẽrarã ãrea wãꞌãe basii maud̶e ẽbẽrarã kĩrubikad̶ai sid̶a wãꞌãe basii.

1 Corintios 9:20

Mʉ judiorã tãed̶e b̶uud̶e judiorã kĩra b̶uabarii mʉʉd̶eeba Jesucristod̶e ijãad̶amera. Chi Moisesba b̶ʉd̶a ũribadaurã nuree tãed̶e b̶uud̶e mʉ mau Moisesba b̶ʉd̶ad̶eeba b̶uuwãemina mau kĩra b̶uabarii ãchiba mʉʉd̶eeba Jesucristod̶e ijãad̶amera.

Gálatas 2:12

Naka kachirua wausii: chi nuree ãbarã judiorã ẽbẽrarã Santiagod̶ebenarã Antioquía puurud̶aa wãsid̶au. Ãchiba jarabachid̶au judiowãerã mukĩra chi kakua tõod̶ai panuu ẽbẽrarã Dachi Akõred̶erã nuread̶ai baita. Ãchi need̶ai naed̶e Pedro ãbarã judiowãerã ome kobachii, maamina mau ãbarã judiorã need̶aped̶a ichi waya ãbarã judiowãerã ome koobasii. Maumaarã ãyaa wãsii. Wapea b̶uasii chi judiowãerã ãchi mukĩra chi kakua tõod̶ai panuu a jara panuu ʉ̃rʉbena.