Hechos 20:2 - Emberá Chamí

² Joma mau druad̶e nibasiid̶e ãbarã aid̶abachii Dachi Mechiud̶e biꞌia ijãad̶amera. Maabae Grecia druad̶e neesii.

Hechos 20:2 Mawu Ofanana

Lucas 3:18

Ara mau kĩra maucha june ãrea berread̶eeba Juanba chi bed̶ea bia dachi karibai ʉ̃rʉbena jaradea b̶uabachii maud̶e jarabachii mau ijãad̶amera.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 15:41

Maabáeburu wãsid̶au. Siria druad̶e maud̶e Cilicia druad̶e nibaaduud̶e puurucha ãbarã aid̶abachid̶au Dachi Mechiud̶e biꞌia ijãad̶amera.

Hechos 16:12

Arabena Filiposd̶aa wãsid̶au. Mau drua Macedoniad̶ebena puuru mechiu basii. Mau puurud̶e Romad̶ebenarã ãrea panabachid̶au. Aria ewari b̶aꞌãra panasid̶au.

Hechos 17:1

Pablo, Silas maud̶e chi ãchi baara nibaped̶aad̶a Anfípolis puurud̶e maud̶e Apolonia puurud̶e wãd̶aped̶a Tesalónica puurud̶e neesid̶au. Aria judiorã araa ãbua imibadau de kub̶uasii.

Hechos 17:10

Ara mau ẽsabud̶e ãbarãba Pablo maud̶e Silas Berea puurud̶aa bʉisid̶au. Need̶aped̶a judiorã araa ãbua imibadau deed̶aa wãsid̶au.

Hechos 2:40

Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!

Hechos 20:1

Maka kĩrubika duanuu apiisid̶aud̶e Pabloba chi Jesusd̶e ijãa nuree iukuaped̶a ãchi ome berreasii Dachi Mechiud̶e biꞌia ijãad̶amera. Maabae wãaruu aped̶a Macedonia druad̶aa wãsii.

Hechos 20:11

Pablo waya ded̶e ed̶a wãped̶a pan b̶ʉaped̶a, kosii. Maabae wabid̶a berrea b̶uud̶e ewarisiid̶e wãsii.

Hechos 20:3

Aria jed̶ako õbea b̶uasii. Pablo Siria druad̶aa jãbad̶e wãi baita kub̶ud̶e kuitaasii judiorãba ichi kachirua waud̶ai baita bed̶ea deasid̶au. Maud̶eeba Macedonia druad̶aa wãsii.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

1 Tesalonicenses 2:3

Daiba machimaa biawãrawãe jaradeabadau ijãarãad̶amera id̶id̶aabasii. Maud̶e machi tãed̶e setad̶eeba panuuwãe basii, machi setaa kũruad̶ai baita.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.