Hechos 2:46 - Emberá Chamí

⁴⁶ Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Hechos 2:46 Mawu Ofanana

Mateo 6:22

»Dachi dau ʉ̃d̶aa koabarii kĩra nii. Maud̶eeba bichi dau biꞌia niibʉrã ʉ̃d̶aad̶e nibai.

Lucas 11:41

Sõbiad̶eeba chi nejarr barauwãe nureerãmaa machiba uru panuud̶ebena deásturu. Maka biawãra machi biꞌia jeraad̶a kĩra paneed̶ai.

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

Lucas 24:53

Makaed̶ebena ãchi ewaricha Dachi Akõre de mechiu ãbudare wãbachid̶au Dachi Akõremaa biꞌia berread̶ai baita.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.

Hechos 2:42

Chi Jesusba bʉid̶arãba jaradea panuu ãchiba ãrea ũribachid̶au. Ãbua biꞌia duanabachid̶au. Pan b̶ʉad̶aped̶a, kobachid̶au. Maud̶e Dachi Akõremaa ʉtaa id̶i panabachid̶au.

Hechos 20:7

Maabae nabena ewari misad̶e Jesusd̶e ijãabadaurã ome araa ãbua panasid̶aud̶e pan b̶ʉad̶aped̶a kosid̶au. Maud̶e Pabloba jaradea b̶uasii. Norema wãi b̶uud̶eeba ẽsabud̶e ẽsab̶aare baaruud̶aa berrea b̶uasii.

Hechos 3:1

Ewari ab̶a ãsa ʉ̃rʉ õbea baaruud̶e, judiorãba Dachi Akõremaa ʉtaa id̶ibadau horad̶e, Pedro maud̶e Juan Dachi Akõre de mechiud̶aa wãsid̶au.

Hechos 5:21

Maka ũrid̶aped̶a norema daped̶e maarã Dachi Akõre de mechiud̶e ed̶a wãsid̶au maabae jaradea kopaneesid̶au. Maumisa mau paare mechiuba maud̶e ichi baara panad̶aba iud̶e bʉisid̶au joma chi Israeld̶ebenarã chõrarã araa ãbua imid̶amera maud̶e berread̶amera. Maabae chi Jesusba bʉid̶arã chi ẽbẽra jʉ̃abadaumarebena adaubiasid̶au.

Hechos 5:42

Mau maad̶akare ewaricha jaradeabachid̶au chi bed̶ea bia Jesús Dachi Akõreba dachi Karibabarii deai jarad̶a ʉ̃rʉbena. Mau jaradea wãbachid̶au Dachi Akõre de mechiud̶e maud̶e decha.

Romanos 12:8

Chi nureerãmaa deasii ãbarã aid̶a panuud̶eeba biꞌia ijãad̶amera. Maka dead̶akasiibʉrã, ãbarã aid̶ad̶ai panuu biꞌia ijãad̶amera. Chi nureerãmaa deasii ne kaebea dea panuud̶eeba waabenarã aid̶ad̶amera. Maka dead̶akasiibʉrã, sõbiad̶eeba dead̶ai panuu. Chi nureerãmaa deasii chi ijãabadaurã jaradea ua b̶uabarii nuread̶amera. Maka dead̶akasiibʉrã, jipa wau nuread̶ai panuu. Maud̶e chi nureerãmaa deasii waabenarã kĩra chuburiad̶amera. Maka dead̶akasiibʉrã, kĩrajʉʉd̶eeba kĩra chuburiad̶ai panuu.

1 Corintios 10:16

Dachi Mechiu kĩraba panuud̶e dachiba uva b̶aa basud̶e b̶uu ʉ̃rʉbena Dachi Akõremaa ichíturu kid̶ibai ad̶aped̶a dobadau. Mau dooduud̶e unubibadau dachi Cristo oad̶eeba ichi ome ãbua panuu. Maud̶e pan b̶ʉakuad̶a kooduud̶e unubibadau Cristo nau kakuad̶e ãrea biꞌiwãe b̶uasiid̶eeba dachi ichi ome ãbua panuu.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

Efesios 6:5

Chibari baita bari trajabadaurã, machi chi nau iujãad̶ebena chibari wapea panuud̶eeba, ichiba jaraaruu machi sõd̶eeba joma wáusturu Cristo bed̶ea ijãa panuu kĩra.

Colosenses 3:22

Chi chibari baita bari trajabadaurã, machi jaradea ua b̶uabarii nau iujãad̶ebenarãba waubiiruu joma wáusturu. Maamina ichiba ichia b̶uud̶éburu waurã́sturu, ichi ome biꞌia nuread̶ai baita. Maumaarã Dachi Akõre wapea panuud̶eeba sõbiad̶eeba joma wáusturu.