Hechos 2:34 - Emberá Chamí

³⁴ David bajãad̶aa wãabasii, Jesús wãd̶a kĩra. Maumaarã ichiba naka jarasii: “Dachi Mechiuba mʉ Mechiumaa jarasii: Mʉ jua biare akʉ b̶eese,

Hechos 2:34 Mawu Ofanana

Marcos 12:36

Ara mau Davidba Dachi Akõre Jaurid̶eeba naka jarasii: Dachi Mechiuba mʉ mechiu niimaa jarasii: mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa.

Juan 3:13

»Ab̶a bid̶a bajãad̶aa wãkau mau kuitaai baita. Ab̶aburu mʉ́turu, chi Ẽbẽra Ba B̶uad̶aba mau kuitaa b̶uu, bajãad̶ebena need̶ad̶eeba.

Hechos 2:35

ab̶a bichi kĩramaarã mʉʉba joma bichi juad̶e b̶uuruud̶aa”.

1 Corintios 15:25

Biawãra Cristo jomaurã Mechiu b̶uai b̶uu ab̶a joma ichi kĩramaabadaurã poyaaruud̶aa.

Efesios 1:22

Dachi Akõreba ne joma Cristo juad̶e b̶usii maud̶e Cristo b̶usii ne jomad̶e ichi ẽbẽrarã Mechiu b̶uamera.

Hebreos 1:13

Dachi Akõreba ángel ab̶aumaa bid̶a jaraabasii: «Mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa».