Hechos 2:32 - Emberá Chamí

³² »Davidba jarad̶a kĩra Dachi Akõreba Jesús biu b̶uad̶a chokae jiradubisii. Joma daiba mau unusid̶au.

Hechos 2:32 Mawu Ofanana

Juan 15:27

Machia bid̶a mʉ ʉ̃rʉbena berread̶ai, machi arab̶aed̶eed̶e mʉ baara panuud̶eeba.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 13:30

Maamina Dachi Akõreba ichi chokae jiradubisii.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

Hechos 2:24

Jesús ãrea kakua puaba biusii. Maamina Dachi Akõreba ichi chokae jiradubisiid̶eeba waya biubai; chokae biukaraa nibai.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Hechos 4:10

Maka b̶uubʉrã daiba machi daad̶e jaraaduu machi joma israeld̶ebenarãba kuitaad̶amera. Nau ẽbẽra machi daad̶e ʉkʉ nub̶uu Jesucristo Nazaretd̶ebena poyaad̶eeba aribiabisii. Mau Jesucristo machiba cruzd̶e jirab̶u beasid̶au, maamina Dachi Akõreba ichi chokae jiradubisii.

Hechos 4:33

Jesusba bʉid̶arãba Dachi Akõre poyaad̶eeba Dachi Mechiu Jesús chokae jiradud̶a ʉ̃rʉbena arakʉd̶e jaradeabachid̶au. Maud̶e Dachi Akõreba ichi sõbiad̶eeba ãbarã ãrea aid̶abachii.

Hechos 5:30

Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

1 Corintios 15:15

Cristo chokae jiraduubasiibʉrã, Dachi Akõreba ichi chokae jiradubisii aaduud̶e daiba Dachi Akõre ʉ̃rʉbena setaa jara panuu. Biawãra biuped̶aad̶a chokae jiradud̶awẽebʉrã, mauba jara b̶uu Cristo sid̶a chokae jiraduubasii.

1 Corintios 6:14

Dachi Akõreba ichi poyaad̶eeba Dachi Mechiu Jesús biud̶ad̶ebena chokae jiradubisii. Ara mau kĩra ichi poyaad̶eeba dachi sid̶a chokae jiradubiai.

2 Corintios 4:14

Dachi Akõreba Dachi Mechiu Jesús chokae jiradubisii, maud̶e daiba kuitaa panuu dai sid̶a Jesús kĩra chokae jiradubiai. Maabae dai machi ome ãbua ara ichi daad̶e b̶ui.

Gálatas 1:1

Mʉ Pablobʉ, Jesucristoba bʉid̶abʉ. Ẽbẽrarãba mʉ jʉrʉ adaud̶aabasii Jesucristoba bʉid̶a b̶uamera. Maumaarã Jesucristoba maud̶e ichi Akõreba, ichi biu b̶uad̶a chokae jiradubid̶aba mʉ maka b̶usid̶au.

Efesios 1:20

Dachi Akõreba Cristo biu b̶uad̶a chokae jiradubiped̶a bajãad̶e ichi jua biare akʉ b̶eebisii.

Colosenses 2:12

Dachi Akõreba ichi poyaabariid̶eeba Cristo chi biud̶ad̶ebena chokae jiradubisii. Machiba Dachi Akõre maka poyaabarii nii ijãasid̶aud̶eeba boro easid̶aud̶e unubisid̶au Cristo ome jau b̶uped̶aad̶a maud̶e Dachi Akõreba machi Cristo ome chokae jiradubid̶a.

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.