Hechos 2:30 - Emberá Chamí

³⁰ Maamina David Dachi Akõre baita berreabarii basii. Maud̶eeba kuitaa b̶uasii Dachi Akõreba biawãrad̶eeba jarasii chi ichid̶ebena neeruu ab̶a ichi bari israeld̶ebenarã rey b̶ui.

Hechos 2:30 Mawu Ofanana

Mateo 22:43

Maud̶e Jesusba id̶isii: —Maka b̶uubʉrã, Davidba ¿sakãe Dachi Akõre Jaurid̶eeba mau mʉ Mechiu nii asma? Davidba naka jarasii:

Mateo 27:35

Maabae kokoroarãba Jesús cruzd̶e jirab̶usid̶au. Mau maad̶akare ne jemenesid̶au Jesús paru kaiba adaui kuitaad̶ai baita. [Maka wausid̶au Dachi Akõre baita berreabariiba jarad̶a makamera. Naka jarasii: «Mʉ paru ãchicha adausid̶au. Mʉ paru kakua ne jemenesid̶au kaiba mau adaud̶ai kuitaad̶ai baita».]

Marcos 12:36

Ara mau Davidba Dachi Akõre Jaurid̶eeba naka jarasii: Dachi Mechiuba mʉ mechiu niimaa jarasii: mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

Romanos 15:12

Maud̶e Isaiasba ichi kartad̶e naka b̶ʉsii: «Isaid̶ebena ab̶a neei. Mau puuru b̶ee Mechiu bai. Judiowãerãba ichid̶e ijãad̶ai joma chi bia esed̶au panuu ãchimaa deamera».

2 Timoteo 2:8

Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.

Hebreos 1:1

Nabẽraed̶e Dachi Akõreba dachi nabẽrarãmaa b̶es ãrea bed̶ea ne jomad̶e berreabachii. Ichi baita berreabadaurãd̶eeba maka berreabachii.

Hebreos 3:7

Maud̶eeba Dachi Akõre Jauriba naka jara b̶uu: «Id̶i Dachi Akõre bed̶ea ũriiduud̶e machi sõ chaarearã́sturu machi nabẽrarã sõ chaareaped̶aad̶a kĩra. Maarã drua sirua wãꞌãe b̶uud̶e duanasid̶aud̶e Dachi Akõreba jarad̶a ida b̶usid̶au ichiba kãare waui kuitaad̶ayua.

Hebreos 4:7

Maud̶eeba Dachi Akõreba ewari maucha b̶usii ichiba kʉrrjĩrubiaimaa need̶amera. Mau ewari Dachi Akõreba trʉ̃ jarasii «id̶i». Mau ewari b̶usiid̶e ãrea bad̶akare ichiba Davidd̶eeba mau ʉ̃rʉbena berreasii. Mau bed̶ea naed̶e b̶ʉd̶a naubʉ: «Id̶i Dachi Akõre bed̶ea ũriiduud̶e machi sõ chaarearã́sturu».

Hebreos 6:17

Ara mau kĩra Dachi Akõreba arakʉd̶e kuitaabiai kʉ̃riasii chi ichiba deai jarad̶a ẽbẽrarãba mau biawãra adaud̶ai maud̶e ichiba kʉ̃risia b̶uu kĩra biawãra waubarii. Maud̶eeba ara ichi trʉ̃d̶eeba deai asii.

2 Pedro 1:21

Maarãba kʉ̃ria panad̶a kĩra jarad̶aabasii, maumaarã Dachi Akõre baita panasiid̶eeba, Ichi Jaurid̶eeba berreasid̶au.

Apocalipsis 17:14

Maabae chi maarã Oeja Kaebe Nii ome chĩod̶ai. Maamina chi Oeja Kaebe Niiba chi maarã poyaakuai, ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Niid̶eeba. Poyaakuad̶akare chi ichid̶e ãrea ijãabadaurã ichi baara paneed̶ai. Ichiba chi maarã iukuaped̶a jʉrʉ adaukuasii».

Apocalipsis 19:16

Ichiba paru jʉ̃ b̶uumaa b̶akara ʉ̃rʉ nau trʉ̃ b̶ʉ inii: «Jomaurã Reyrã Audeara Chi Aude Mechiu Nii» maud̶e «Joma Chi Mechiurã Audeara Chi Aude Mechiu Nii».