Hechos 2:23 - Emberá Chamí

²³ Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 2:23 Mawu Ofanana

Mateo 20:19

Maabae mʉ judiowãerãmaa dead̶ai, mʉ atua jarad̶aped̶a, soaba ped̶aped̶a maabae mʉ cruzd̶e jirab̶u bead̶amera. Maamina ewari õbead̶e mʉ chokae jiradui”.

Mateo 26:24

Biawãra mʉ, chi Ẽbẽra Ba B̶uad̶a biui b̶uu Dachi Akõre bed̶ead̶e b̶ʉ kub̶uu kĩra. Maamina ¡chi mʉ jidaubiiruu ẽbẽra miichuburi nii! Bibuara b̶uasii chi naweba mau adaubai.

Mateo 27:35

Maabae kokoroarãba Jesús cruzd̶e jirab̶usid̶au. Mau maad̶akare ne jemenesid̶au Jesús paru kaiba adaui kuitaad̶ai baita. [Maka wausid̶au Dachi Akõre baita berreabariiba jarad̶a makamera. Naka jarasii: «Mʉ paru ãchicha adausid̶au. Mʉ paru kakua ne jemenesid̶au kaiba mau adaud̶ai kuitaad̶ai baita».]

Marcos 15:24

Maabae cruzd̶e jirab̶usid̶au. Mau maad̶akare ne jemenesid̶au Jesús paru kaiba adaud̶ai kuitaad̶ai baita.

Lucas 22:22

Biawãra mʉ, chi Ẽbẽra Ba B̶uad̶a biꞌiwãe b̶uu Dachi Akõreba jarad̶a kĩra, maamina ¡chi mʉ jidaubiiruu ẽbẽra miichuburi b̶uu!

Lucas 22:37

Mʉʉba jaraaruu: Dachi Akõre baita berreabariiba mʉ ʉ̃rʉbena b̶ʉd̶a biawãra makai b̶uu. Naka b̶ʉsii: “Ara mau ẽbẽra kachirua kĩra kʉ̃risia panasid̶au”. Mʉ ʉ̃rʉbena b̶ʉped̶aad̶a biawãra joma makai.

Lucas 23:33

Drua «Dachi Boro B̶ʉʉrʉ» abadaumaa neesid̶aud̶e Jesús cruzd̶e jirab̶usid̶au. Chi ẽbẽra kachiruarã sid̶a cruzd̶e jirab̶usid̶au, ab̶a Jesús jua biare, ab̶a jua sordoare.

Lucas 24:20

Maamina puuru karrarãba maud̶e paare mechiurãba ichi Romad̶ebena jaradea ua b̶uabadaurã juad̶e jidau deasid̶au, maarãba bead̶amera. Maabae cruzd̶e jirab̶u beabisid̶au.

Juan 19:18

Aria ãchiba Jesús cruzd̶e jirab̶usid̶au. Maud̶e ichi jãkaa ẽbẽra ome cruzd̶e jirab̶usid̶au, ab̶a jua biare, ab̶a jua sordoare.

Juan 19:24

Maud̶e kokoroarãba ãchi du ab̶a jarasid̶au: —Nau kõetad̶aabai panuu. Bari bibuara b̶uu jemened̶ai, kaiba chi paru adooi kuitaad̶ai baita. Mau makasii Dachi Akõre bed̶ead̶e nabẽraed̶e b̶ʉd̶a kĩra: «Mʉ anab̶ari jʉ̃barii ãchicha adausid̶au; mʉʉba ekare jʉ̃ b̶uad̶a adaud̶ai baita jemenesid̶au». Biawãra kokoroarãba maka wausid̶au.

Hechos 13:27

Jerusalend̶ebenarãba maud̶e ãchi karrarãba Jesús dachi Karibabarii kuitaad̶aabasii. Dachi Akõre baita berreabadaurãba b̶ʉped̶aad̶a bari panabadau ewaricha jĩwa ed̶a jarabadamina ichi ʉ̃rʉbena b̶ʉped̶aad̶a kuitaad̶aabasii. Maumaarã Jesús beabisid̶aud̶e mau bed̶eaba jara b̶uu biawãra wausid̶au.

Hechos 15:18

Dachi Mechiuba maka jara b̶uu. Ichiba nabẽraed̶eed̶ebena joma mau arakʉd̶e kuitaabia b̶uu”.

Hechos 2:36

»Maud̶eeba joma israeld̶ebenarã, biawãra kuitásturu: Jesús, chi machiba cruzd̶e jirab̶ubiped̶aad̶a, Dachi Akõreba mau chi jomaurã Mechiu maud̶e Dachi Karibabarii deai jarad̶a b̶usii».

Hechos 3:18

Maamina maud̶eeba Dachi Akõreba naed̶e jarad̶a joma makabisii. Ichi baita berreabadaurãd̶eeba jarasii ichiba Dachi Karibabarii deai jarad̶a ãrea puꞌuaped̶aad̶ad̶ebena dauchia jãadua b̶uaped̶a biui b̶uasii.

Hechos 4:28

ãchiba maka wausid̶au bichiba naed̶e kʉ̃risia b̶uad̶a kĩra. Bichi ãrea poyaad̶eeba naed̶e maka b̶usii ãchiba maka waud̶amera.

Hechos 5:28

—Naed̶e daiba ãrea jarasid̶au machiba jãu ẽbẽra trʉ̃d̶eeba waa jaradearãad̶amera. Maamina machiba joma Jerusalend̶ebenarãmaa jaradea panuu. Mau awara jãu ẽbẽra beaped̶aad̶a kakua, dai nebʉra baraasid̶au a jara kʉ̃ria panuu.

Hechos 5:30

Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

Romanos 2:12

Chi Moisesba b̶ʉd̶a adua nureerãba kachirua waubadaud̶eeba mau adua panumina Dachi Akõreba kastikai. Maud̶e mau Moisesba b̶ʉd̶a kuitaa nureerãba kachirua waubadaud̶eeba Dachi Akõreba ara mau Moisesba b̶ʉd̶aba maarã kastikai.

Romanos 4:17

Dachi Akõre bed̶ead̶e naka b̶ʉ kub̶uu: «Mʉʉba bichi b̶usii puuru ãrea akõre bamera». Biawãra Dachi Akõre daad̶e Abraham joma dachi, chi Dachi Akõred̶e ijãabadaurã akõrebʉ. Abrahamba ijãa b̶uasii chi biuped̶aad̶a chokae jiradubiabarii maud̶e Dachi Akõred̶e chi ne wãꞌãed̶ebena ne waubarii.

1 Tesalonicenses 2:15

Ara maarãba Dachi Mechiu Jesús maud̶e Dachi Akõre baita berreabadaurã sid̶a beasid̶au. Mau awara dai ãyaa bʉisid̶au. Maarã Dachi Akõreba biꞌia unukau. Maarãba jomaurã kĩramaabadau.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

1 Pedro 2:8

Maud̶e naka b̶ʉ kub̶uu: «Ẽbẽrarã mau moomaa drʉd̶aped̶a b̶aed̶ai». Ãchiba Dachi Akõre bed̶ea ijãad̶awẽa panuud̶eeba moomaa drʉʉduu kĩra nuree. Dachi Akõreba maarã b̶usii maka nuread̶amera.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.